GET READY WITH ME: Girls night in تجهزي معاي: عزيمة صحباتي


السلام عليكم ورحمة الله وبركاته
أحب تدوينات تجهزي معاي ومن زمان عنها، قلت ليش لا، أحب هالنوع من التدوينات وأنتو تحبون هالتدوينات قلت يلا أسويها، مع إنها تحتاج شغل كثير بس النتيجة النهائية تسعد، هالمره طالعة لصحباتي


 لبست جمب سوت أسود من زارا، مره أحب الجمب سوت وهاذا حبيته كثير، صحيح فتحته من فوق مره كبيره بس سكرتها من داخل بدبوس وماإضطريت ألبس توب من تحت


كذا شكله لأن مستحيل الموديل يبّين بالتصوير فقلت أجيب صورته
لصور أكثر من موقع zara.com

حبيت تكون الإكسسوارات بين الفضي والذهبي:
السلسال من نيولوك

الأساور من نومنيشن

الحلق فضة جاني هدية من فايندرا

الخواتم من نيولوك وفور إيفر 21


الهيلز من سترادافاريوس

لأن أظافيري صغيره وقصيره فلازم لون فاتح وإخترت البيج من إيسينس Essence french nude 

بالنسبة لشعري سويته بفير جوسي آبير 25 ( نسيت أصوره)

أول شي برايمر بورفيشنال من بينيفت وأرطب شفايفي بيبي ليبس من مايبلين
الفاونديشن مايبلين  فت مي ( أنا حابة مره هالفاونديشن تقريبا في أغلب مناسبتي أستخدمه ) تغطية عالية وثبات ممتاز
 الكونسيلر كوركتور من ميك اب فور إيفر والكونسيلر بعد من مايبلين فت مي
بعدين برايمر That gal من بينيفت أحطه على الخدود ومنطقة الهايلايت بالطبطبة لأنه يعطي منظر نضاره، أنا أحطه بعد الفاونديشن ولا هو برايمر قبل الفاونديشن بس كذا أنا ناسبني وحبيته أكثر بعد الفاونديشن

بعد الفاونديشن والكونسيلر لازم أثبت بالباودر
Banana من بين ناي تحت العيون تثبت الكونسيلر وتعطي إشراق 
وعلى كامل الوجه بودرة بور فيشنال من بينيفت

كونتور ببرونزر Hoola هولا من بينيفت
والبلاش Thankful من تارت

الحواجب كالعادة بودرة ذا بودي شوب درجتي 3

مكياج العيون كان جدا جميل وإكتشفت أن كل مره أستخدم هالباليت أحبه أكثر وأكثر بس عيبه كبير ومافيه مرايه
الباليت من توو فيسيد A few of my favorite things
 أول شي إستخدمت برايمر Stay don't stray من بينيفت على كامل الجفن ومديته من الزاوية الخارجية العين إلى خط الرموش السفلي
الفرش اللي إستخدمتها في هاللوك:
فرشاة وضع الايشادو من إلف  ELF professional eyeshadow brush
فرشاه القلم من ماك 219SE
فرشاه الدمج من ماك 224SE

لون Chocolate Milk على كامل الجفن المتحرك 
وبفرشاه القلم من ماك سويت خط قريب من الرموش السفلية

لون Woolen Mittens على كسره الجفن المتحركة ودمجته مع اللون السابق
وبفرشاة القلم من ماك أخذت من اللون وحطيته على خط الرموش السفلية بس بدأت من نص العين ومديته على برا

بطرف الفرشاه بخيتها بفكس بلس من ماك وأخذت لون Snowflakes وحطيته فوق خط الرموش العليا 

آخر شي بخيت الفرشاه بفكس بلس وإستخدمت لون Cream Clored Ponies هايلايت لعظمة الحواجب ولزاوية العين الداخليه 

آخر شي إستخدمت كحل بيج 090 Natural Glaze من ماكس فاكتور داخل العين
وكحل أسود من ريفلون داخل العين من جهة الرموش العليا ( مدري كيف أشرحها ) بس لمن أحط ماسكارا تبين رموشي كأنها أكثر وإستخدمته بعد على زاوية العين الخارجية قريب من خط الرموش العليا ودمجته مع اللون البني عشان يبين سموكي خفيف
وماسكارا Thay're real من بينيفت ( هالماسكارا فظيعة نتيجتها كأني مركبة رموش )


روجي اللي حابته هالفتره مره مره Bad Girl Riri من ماك
والمحدد Natural من ريميل


سواتش الروج بدون تعديل عالصورة وكل ماأزيد طبقة يصير اللون أغمق

وآخر شي فكس بلس من ماك
هو مايثبت المكياج بس لمن أبخه أحس بأمان يعطي منظر حي مو مكياج ميت يعني زي إنعاش للوجه


وآخر شي كانت ليلة مميزه وجميلة والمفاجأه كانت مره حلوه تسلمون لي
شكرا لكم

هاذا كان كل شي لتدوينة اليوم *ـ*

تواصلو معاي على حساباتي:
إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

7 comments

  1. Mashallah how elegant <3 ya zeenk <33

    ReplyDelete
  2. ماشاااء الله كل شي حلوو .. أناقه وجمال بسم الله عليك

    ReplyDelete
  3. ماشاءالله اناقه الله يحفظك وهو خير الحافظين ....

    ReplyDelete
  4. حبيت البوست والباليت من توفيسد يجنننننننن

    ReplyDelete
  5. حبيت البوست مررررا جميل وستايلك اجمل الله يخليل

    ReplyDelete
  6. بوست جميييييل والجمب سوت جداا راقي

    ReplyDelete
  7. جميلة كعادتك يااسماء يعطيك العافية حبيبتي

    ReplyDelete