تنسيقات القرافيك تي شيرت ❤ـ❤


السلام عليكم ورحمة الله وبركاته
ورجعنا للدوام وللشغل، أتمنى إني أقدر أوفق بين التدوين والشغل (:


أول ماشفت هالتي شيرت في موقع suributton مره عاجبني أصلا تخيلت كل اللوكات قبل لا أطلبه (; وسويت أربعه تنسيقات لبستهم كلهم قبل كذا، القرافيك تي شيرت لازم يكون بدولاب كل بنت لأنه ممكن تلبسينه بكل مناسبتك: الكاجوال والرسميه والكشخه
 * بقولكم نصيحة قلتها قبل بتويتر أبدا لاتحكمين على اللبس من علاقه 


التنسيق الأول والثاني للدوام:
لبست قميص جينز من بول آند بير ( أحب هالدرجة من الجينز) والجينز قماشه هنا معفس لأن موديله كذا ( مين يحب المعفس زيي ❤ـ❤ ) أحسه يعطي لوك مره كاجوال وحلو يعجبني

وأحب بعد أسفط أطراف الكم إلى نص الذراع

التنورة سودا ( أتوقع من السويكت)
وآخر شي عشان نكمل لوك الراحة إخترت شوز رياضي من نايكي

الشنطة أفضل بالدوام نوع الشنط Tote زي هاذا الموديل من مايكل كورس
أحب هالشنطه لأنها هديه من ماما بمناسبة تخرجي من الجامعه من قبل سنتين

الإكسسوارات كانت تميل للون الفضي أكثر
السلسال من فور ايفر 21

الخاتم فضه مطلي ذهب من فايندرا

الحلق اللي عاليمين من كليرز ويجي بس لأذن وحده
أما اللي عاليسار من ألدو ونهايته من ورا نحاسي بس من قدام فضي

الساعة دكني
والأساور من ألدو

التنسيق الثاني وبعد للدوام:
التي شيرت لحاله بدون إضافات

إذا بلبس تي شيرت فيه كلام أو رسوم وهاذا مانسمّيه بالقرافيك تي شيرت 
أحرص أن السلسال يكون شوي قريب من الرسمه مو على الرسمه عشان مايخرب تصميم التي شيرت ويكون واضح من بعيد 

التنورة ( نفس التنسيق الأول )
الشوز من نيولوك وراعيت هنا يكون فيه تناسق بين الشوز والسلسال

نفس الشنطة بالتنسيق الأول من مايكل كورس

السلسال من موقع  suributton
والحلق من ألدو

التنسيق الثالث مناسبه رسميه:
لبست بلايزر كحلي من سترادافاريوس

مع بنطلون قماش واسع من كوتون
وهنا دخلت التي شيرت داخل لأنه طويل وإكتفيت بطول البلايزر

هيلز فضي ميتاليك مطفي من ناين ويست

الكلتش من ناين ويست حبيت يكون هنا لون مختلف وإخترت اللون الأخضر وحواف فضي ميتاليك

السلسال من ريفر آيلاند

الحلق من فايندرا

الساعة دكني
الأسواره من نومنيشن

التنسيق الرابع والأخير جمعة صديقات:

لبست التي شيرت مع كيمونو طويل يوصل تقريبا للركبة من ريفر آيلاند

هيلز أبيض وأسود من سترادافاريوس وحبيت هنا فكره الكعب العريض 
حلو باللبس وتغيير عن حجم الكعب المتعارف عليه

لبست جينز من بول آند بير وسفطت كثير من تحت عشان أخلي في تناسق بين الكيمونو والجينز
تقريبا وصلت السفطات إلى فوق الكعب بخمسه سانتي بس مو نص الساق مدري شلون أشرحهها أتمنى فهمتو (:

الشنطة من فيونكة بلون الأزرق الفاتح

لبست عقد ذهبي هو أساسا تركوازي بس أنا قلبته يعني خليت إني أقدر ألبسه بالجهتين

العقد من فور إيفر 21

الحلقات من نيولوك واللي ورا بدون خرم أذن من كليرز

الساعة من كوتش
الأساور من نومنيشن
الخواتم من فور إيفر 21

وخلصنا
إنبسطت وأنا أشتغل للبوست صحيح مررره متعب تجهيز هالنوع من التدوينات بس النتيجة عجبتني
وأتمنى تعجبكم ويكون مساعد لكم ❤ـ❤

لأي إستفسارات أو أسئله تلاقوني بحساباتي التاليه:
إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

6 comments

  1. روووعه ذوق واناقه وجمال الله يعطيك العافيه ياقميل❤️

    ReplyDelete
  2. ؟ انييييقه - ذوقكك بالاكسسوارات حبيته فايندرا طلبتيه من موقعهم .

    ReplyDelete
  3. ذوووووق كثري من هذي البوستات احب تنسيقاتك :(((((

    ReplyDelete
  4. أحب هالنوع من التيشيرتات لكن فاشلة في تنسيقهم؛ ألبسهم في البيت. مره استفدت من اللوكات. وحبيت حركة السلسال شكراً ��❤️����

    ReplyDelete
  5. يهبل وشغل متعوب عليه الله يعطيكي العافية اكثر شي عجبني اللوك الاول الكاجوال بيرفكت ونفس ذوقي

    ReplyDelete