Sunday, July 6, 2014

June Favorites 2014 ❤ مفضلات شهر جون ❤



السلام عليكم ورحمة الله وبركاته
لي شهر ماكتبت تدوينة، نقدر نقول أخذت شهر راحه وبنفس الوقت في نص شهر جون سويت عملية ليزك لعيوني وتقريبا الحين بثالث أسبوع بعد العملية والحمدلله في تحسن وكان لازم أبعد عن كل الأجهزة
المهم قلت لازم أرجع بتدوينة الكثير يحبونها ومطلوبة ونبدأ مع مفضلات شهر جون للميك اب:




- بي بي كريم من إيلف elf BB Cream SPF 20 اللي خلاني أحبه أن يعطيني لوك ديوي ( النضارة ) وكأني حاطه هايلايتر ووفقت في إختيار اللون درجتي Buff، شي ثاني حسيت أن قوامه أقرب للفونديشن يمكن عشان تغطيته متوسطة وفي حماية من الشمس 
- المنتج الاخر بعد من إيلف مرطب يومي للبشرة elf Daily Moisture Stick حبيته لأن ممكن أستخدمه بأي مكان عالبشره مو بس للوجه وترطيبه كويس لأنه يحتوي على مواد طبيعية كثيره منها الجوجبا، الشيا، المكاديميا وغيره، أستخدمه في أماكن الجفاف مثل الأكواع والركبه اللي تحتاج ترطيب بشكل مستمر
- روج الصيف عندي المفضل من شانيل Rouge Allure Velvet 44 La Diva  لونه مره رهيب عالشفايف، كل ما أحطه يعلقون الناس على لونه, على إسمه أحس إني ديفا الصيف إذا حطيته هههه بس جد لونه رهيب السواتش تحت
- اخر شي بتكلم عنه البلاش، ماتلاحظون في كل شهر مفضلات لي بلاش أحبه لأن بجد البلاش يغير بالمكياج كثيير، المهم عندي بلاشرين الأول من ستيلا إسمه بيوني كريمي لونه شوي غامق برونز تقريبا ثباته جدا ممتاز وعالي ومايخطط بالوجه العلبة اللي عندي هي عينة وهو أكبر من كذا، والبلاشر الثاني من بينيفت كوراليستا بعد علبته عينه بس قررت أشتري الحجم الأصلي إذا خلص ما أحس إنه بلش قد ماأحس أنه إضاءة مافيه شيمر *ـ* ممتااااز وثباته مره كويس أحب أحطه في تفاحة الخد وأكمل الخد ببلاش ستيلا اللي تكلمت عنه قبل شوي، السواتش تحت



مفضلات الشعر:

- صار لي شهر أعالج شعري من التساقط بمركز أبولو ما أقدر أحكم لأن لسا مافي نتيجة نهائية، ( الشعر ياخذ وقت ) المنتج اللي بالصورة من المركز نفسه يعني ماينباع بالسوق حبيت أضيفه في مفضلاتي لأن مره مره كويس هو فايتمين (قوامه جل) أحطه على فروة راسي كل يوم قبل النوم وأسوي مساج فادني كثير وأحس أن أي مساج بيفيد الشعر مو شرط تتقيدين بالمنتج اللي عندي إسمه Scalp Scripts
- المشط اللي توني أكتشفه وصرت أمشط شعري *ـ* من ذا بودي شوب خشبي وتقدرين تمشطين شعرك وهو مبلل بس أنا أنتظر شوي لمن يصير رطب وأمشطه عالأقل أحسن من الأمشاط البلاستيك اللي تقطع الشعر

مفضلات الجسم:

- ديودرينت من فتشي Vichy deodorant anti transpirant 48h أفضل ديودرنت إستخدمته ماله ريحه ولا لون و للبشره الحساسة والأهم إنه طبي خالي من البارابين والاتانول
- عشقي هالمقشر من ذا بودي شوب بالتوت الأزرق صرت أفتحه بس أشمه وأرجعه، فيه بذور التوت الأزرق مع المقشر هاذا اللي خلاني أحبه أكثر أحسه من جد طبيعي حسافته إنه إنتاج محدود وإنقطع ): تقريبا خلصته صار لي شهر وشي أستخدمه



-  Bath time من بينيفت بلسم للجسم، ملمسه ناعم مخملي عالبشره يعطيني لمعة أحطه بطريقة دائريه عشان اللمعة تبقى أكثر ثابته حلو ماأستغني عنه


عطر وكريم الجسم بريحة الكمثرى الإنجليزية ونبته الفريزا من جو مالون Jo Malone English Pear & Freesia صحيح من عيوبه الريحة مو ثابته بس لمن أشمه أرتاح أحسه أحس إني لقيت ( عطر حياتي الضايع) *ـ*

مفضلات فاشونية:

أساوري الجميلة من نومنيشن ماأستغني عنهم بكل لبس، ويني عنه من زمان هالمحل كله يجنن وعمدا إخترت أسوارتين ولونهم مناسب تقريبا لأغلب ملابسي كحلي على بنفسجي وأخضر فاتح 

الشوز اللي خذا صجة على إنستقرامي، من ستيف مادن بوت على صندل من زمان نفسي بقصة شوز زي كذا والأهم تكون مريحة، إسفنجة الدعس عموما بستيف مادن مريحة سواء بالشوز ولا بالصندل

الكتاب المفضل: 
أقوم قيلا لسلطان الموسى، بديت في الكتاب قبل لا أسوي العملية ماقدرت أكمله للحين بس من جد لمن أقرأ الصفحة أقرأها بتمعن، كتاب قيم فيه معلومات كثيره عن الأديان بداية من الإلحاد إلى كل الأديان الموجودة حاليا، الكتاب مليان أدلة وشواهد، لغته مره بسيطة ومافي مصطلحات معقدة  تقييمه في القود ريدز 4 ونص من 5 من جرير

مفضلات عشوائية ونبدأها مع الأكل: ❤ــ

سن بايتس غيرت بنكهاتها وبالشكل كمان، جربت الثلاث أنواع الجديدة وكلهم حبيتهم مع الشوربه والسلطة المفضل عندي هو بالعسل والخردل طعمه لذيذ

صوص Makati Sweet Chili Sauce ماأحب أكل البطاطس المقلية إلا فيه، مو حار بس إسمه كذا تشيلي لذيذ لذه ماحصلت من بنده

كوب الشهر هاذا قلوب ومخطط إيش أحلا من كذا *ـ* الله مره أحبه هالكوب أحسه دافي وملموم ( تجاهلو شرحي) من لولو هايبر ماركت


شاحن الايفون المتنقل ما أستغني عنه أبدا، بشنطتي مايطلع إلا وقت لمن أشحنه، يفك أزمات خاصه أن الايفون مع الثري جي شحنه بسرعة يخلص بس اللي عندي لازم أخذ وصلة شاحني عشان أشبكه بالجوال كنت مستعجله ولا إنتبهت أن مايجي معاه وصله بس عادي المهم شاحن متنقل من جرير

الآبليكيشن المفضل:
لعبة Two Dots وهل يخفى القمر، صرت إدمان عندها بس للحين مافتحتها من بعد ماسويت العمليه صار لي كثير ومشتاقتلها المهم إننا تحمسنا بالانستقرام وعرفت وين وصلتو وحمستوني هنا رابط التحميل TwoDots

مسلسل الشهر المفضل:
 كارا بارا أشق أحبه هالمسلسل شفت كل الحلقات بيومين *ـ* أتوقع مره صار مشهور

فيلم الشهر المفضل:
 The Heat فيلم كوميدي نزل العام وتوني أشوفه أحب هالممثلتين ساندرا دايم مبدعة، يحكي قصة العميلة الفيدرالية ساندرا تروح بمهمة لبوستن وتتعاون مع الشرطية ميليسا عشان يقبضون على رئيس عصابة مخدرات روسي، طبعا الفيلم كله كيف بيتعاونون مع بعض كل وحده لها شخصية وتفرضها عالثانيه! يضحكون لازم يسوون فيلم مع بعض مره ثانيه 


 

أي سؤال أو إستفسار أنا حاضره بالتويتر والإنستقرام أو حتى هنا بالتعليقات
شاركوني بنشر التدوينة في تويتر، انستقرام، واتساب، سناب شات

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

أحبكم كثير , أسماء xo

8 comments:

  1. السلام عليكم ورحمة الله وبركاته
    اخبارك سموتي سميتي اسومه كل عام وانتي بخيررر حبيبتي
    ومبارك عليك الشهر والله يجعلنا وياك من اللي يعيده علينا
    هذا الشهر ازمنه مديده ووسنوات عديد وانتي بخير وصحه وعافيه
    والحمدلله على سلامتك يالغاليه حبيبتي والف لاباس عليك
    تدوينه روووعه طرحتيها لنا يالغاليه من جد مفضلات روعه وحلوه
    الله يعطيك العافيه ياعسل ان شاءالله نجرب اللي قلتي عليه 🌹

    ReplyDelete
    Replies
    1. الحمدلله بخير، شكرا على سؤالك

      Delete
  2. الجزم يجننن انيقات ونفاه وراحه بنفس الوقت
    ، صن بايتس احب نكهاته بجرب هالنكهه :)

    الصوص معك وحدة تتخرفن عندهن ؛)
    اللعبة لعبتي المفضله بس غرزت بالمرحلة ٣٥
    الفيلم شفته ٣او٤مرات يهبل
    وانا احب تمثيل ساندرا بولوك
    سي يا ☻♡

    ReplyDelete
  3. وين القی محل ستيف مادن ومحل نومنيشن ومحل استيلاء

    ReplyDelete
    Replies
    1. نومنيشن وستيف مادن من الظهران مول بوابة 13 وستيف مادن موجود بالراشد بالخبر، باقي المناطق بالمملكة ما أعرف! ستيلا مو موجود عندنا بس بعض التاجرات يوفرونه أو تطلبينه من سيفورا

      Delete
  4. عندك فكره عن منتجات زهور الريف

    ReplyDelete
  5. حبيبتي بسألك الاسواره بكم خذيتي الوحده ؟

    ReplyDelete