Friday, July 25, 2014

مكياج المراهقات للعيد ❤ Eid Makeup look for teenager



السلام عليكم ورجمة الله وبركاته
كلها أيام معدودة ويخلص رمضان ): الله يعيده علينا وعليكم بالخير أعوام وأعوام
كنت أكتب هالتدوينه وسألتكم في الانستقرام إيش الشي اللي حابين أركز عليه في الشرح بما إن التدوينه بتكون للمراهقات الجميلات، كثير منكم طلب يكون عن الكونسيلر وطريقة إستخدام الكوركتور لتغطية الهالات، الكونتور، وكيف تعبين حواجبك بشكل طبيعي وكل هالأشياء شرحتها في فيديوهات بالانستقرام طلو على إنستقرامي وإن شاءالله يفيدكم، أما الطلبات الثانيه إن شاء الله بتكون لها تدوينات أو نتكلم بالانستقرام عنها زي ماسويت بالفيديوز وشفت حماسكم *ـ*


أما تدوينه اليوم بتكون عن البنات اللي يحطون مكياج خفيف بالمناسبات، قلت هالبوست ممكن يفيدكم بالعيد، الألوان اللي إستخدمتها طبيعية نبدأ (:


أول شي وأهم شي الترطيب، لازم تكون البشره مرطبة إما إنك متبعة خطوات تنظيف من غسول وتقشير وكريم مرطب
أو كريم مرطب خاص تحطينه قبل المكياج وبعدها تبدأين المكياج، الكريم المرطب اللي إستخدمته هو من إلف E.L.F Daily Moisture Stick ستك لونه شفاف ماله ريحه وبسرعة ينشف أحطه على كامل الوجه وبعدها أبدأ بالبرايمر وعشان أنا بشرتي مختلطه وعندي مسام إستخدمت برايمر بورفيشنال من بينيفت Benefit the porefessional

ولأن التدوينه للبنات الصغار ماحبيت أستخدم فاونديشن فإستخدمت البي بي كريم من مايبلين مره أحبه يعطي لوك طبيعي وفيه نضاره وبنفس الوقت فيه نسبه وقايه من الشمسMaybelline Dream Fresh BB وفيه خيار ثاني وهو التنت موسترايزر من ماك MAC Studio Moisture Tint SPF 15 حلو للطلعات الصباحيه وفيه واقي شمس بس أقل من بي بي كريم مايبلين وإستخدمت فرشاه ( نسيت أصورها) من ريل تكنيك

نجي الحين لتغطية الهالات إذا هالاتك مزعجتك وغامقه إستخدمي كوركتور برتقالي حطيه عالمنطقة الغامقه وبطريقة الطبطبة، أنا هنا إستخدمت روج من ماك برتقالي كريمي، إذا عادي ماكانت هالاتك مزعجتك إنتقلي للكونسيلر واللي إستخدمته فيت مي من مايبلين Maybelline Fit me Concealer أحبه وتغطيته متوسطه إلى عاليه وحطيته بطريقة المثلث ( شيكو الانستقرام شرحته بالفيديو) وإستخدمت فرشاه ماك 287 للكونسيلر بالدمج والطبطبة حتى يختفي اللون البرتقالي ( نصيحه دايما خلي الكونسيلر أفتح بدرجة أو درجتين من الفاونديشن)

 إسم الدرجة من ماك Mac in Morange

بعدين نثبت كل اللي سويناه بالباودر وإستخدمت بودرة فيت مي من مايبلين Maybelline Fit me powder مع فرشاه كابوكي من إيلف E.L.F Kabuki Face Brush، الفرشاه ناعمه جدا وتمسك الباودر وتوزعه بشكل صحيح ومتناسق ( إذا ماتقدرين تطلبين من إلف أنصحك بفرشه كابوكي من ذا بودي شوب ممتازه)

إستخدمت لحواجبي فرشاه الحواجب من مكياجي وبودرة الحواجب من ذا بودي شوب بدرجة رقم 2 بدأت بتحديد الحواجب من بعد بداية الحاجب إلى النهايه ومن فوق نفس الشي وعبيه بين الحواجب واللي يبقى بالفرشاه أمرره على قدام بحيث الشعر يكون بارز بس فيه بودرة بشكل مره مره خفيف ( شرحت بالفيديو طريقة تحديد الحواجب بالانستقرام )

لأن جفوني ممكن تصير دهنيه وخاصه بالصباح أو بالحر فمهم  برايمر العيون وإستخدمت برايمر من إيسينس Essence I love Stage Eyeshadow base على كامل الجفن وحطيته على خط الرموش السفلي عشان يثبت الشادو ويقوي لونه

الباليت اللي أستخدمه ناكيد٣ Urban Decay Naked 3 
بديت بفرشاه الشادو من إلف E.L.F professional eyeshadow brush وبلون Limit وردي فاتح مغبر كذا على موف مطفي ومات مافيه لمعه 
على كامل الجفن، اللون جدا خفيف ويبين إني وسعت منطقة الجفون، بس ماطلعت لبرا حدي كان قبل نهاية الحاجب

بنفس الفرشاه أخذت لون Burnout لون وردي فاتح نهايته ستيين كذا يعطي لمعه لمن يجي عليك نور مافيه قليتر ومره خفيف

وحطيته من منتصف العين وعلى كسره العين

وبعدين أخذت فرشاه الدمج من ماك رقمها  224SE ودمجت اللون مع اللون السابق 

بنفس فرشاه الاي شادو من إلف الأولى أخذت لون Strange هايلايتر وردي شاحب نهايته مطفي

وحطيته تحت الحواجب

وعند مدمع العين

وسحبته إلى منتصف العين وشبكته مع اللون الغامق اللي بالزاويه
( بعض البنات اللي ماتحب الغامق تقدر توقف مكياج العيون هنا ) *ـ*

أما للي حابين يكملون زيي( أحب الغامق في نهايه العين يعطيها إتساع وعمق)
أخذت فرشاه تشبه القلم من ماك رقمها 219 وأخذت لون Factory بني وفيه شوي وردي نهايته ماتبان 

وحطيته على شكل ٧ ( قاعد على جنب ) هههه مدري كيف طلعت معاي
بس واضح حطيته من بعد منتصف العين من فوق وتحت ووصلتهم بخط على زاويه العين الخارجيه ومهم يكون الخط مقارب لخط الرموش
أنا هنا ماإستعملت ايلاينر بس إذا حبيتي شيكي الانستقرام نزلت فيديو كيف ترسمين ايلاينر سهل وبالقلم

آخر شي الماسكارا ( أعشق الماسكارا وأحب أحط ماسكارا وما أخليها تبان كأني رجول عنكبوت )
أول شي حطيت طبقه من ماسكارا ريميل السودا Rimmel extra wow lash طبقه خفيفة وسريعه على الرموش العليا والسفليه، ريميل تعطي طول وكثافة للرموش
وبعدين طبقة ماسكارا من ميبلين البنفسجيه Maybelline the Falsies volume express mascara  وبديت من الجذور إلى النهايه هالماسكارا تعطيني كثافه رهيبه ❤ ودايما إذا شفتي زوايد حول الماسكرا قبل لاتحطين حكيها بطرف العلبة عشان ماتتكتل رموشك

أحب الكونتور وأحسه هو الشي الوحيد اللي بيبرز مكياجك بس إعتدلي فيه وإذا ماتحبينه عادي تقدرين تكنسلين هالخطوة،
هنا إستخدمت كونتور من اتش اند ام H&M Bronzing powder in Gorgeous tan مع إن مو هو المفضل عندي بس كل منتجات هالتدوينه من الدرق الستور فلازم أماشي الموضوع (; وإستخدمت فرشاه الكونتور من ريل تكنيك Real Techniques Contour brush
( شرحت طريقة بسيطة وسهله للكونتور بفيديو بأنستقرامي )

من أفضل بلاش الدرق ستور ريميل ومايبلين
وهنا إستخدمت بلاش من ريميل Rimmel Lasting Finish Soft Colour Blush in 220 Medium  وفرشاه البلاشر من إلف E.L.F Powder Brush وطريقة البلاش تبتسمين لمن تطلع تفاحة الخدود وتحطين فوقه بلاش شوي مره وتطبطبين  وبعدين ترجعين لوضع وجهك الطبيعي وتمدين البلاش إلى الخارج بحيث يكون البلاش خف وأنتي تمدينه للخارج بهالطريقة مايتكتل اللون وتصير الخدود طبيعية

ختمت اللوك بروج وردي من نيكس NYX Matte Lipstick in Angel اللون أفتح من كذا بشوي بس لأن المكياج على ورق مبين إنه غامق

* نصيحة ماقبل أخيرة مو شرط تكون هالمنتجات كلها عندك ممكن يكون عندك شبيه منها وعادي لأن كل وحده فينا لو إستخدمت نفس المنتجات بتكون شكل غير وأكيد حلوة
* نصيحة أخيرة لازم تكونين مهتمه ببشرتك وعندك خط عنايه لأن مكياج حلو بيطلع من البشره النظيفة، كل شي وله حل بس الإستمرار في الإهتمام هو اللي يخلي المكياج يطلع حلو 

تدوينات لها علاقة بتدوينة اليوم:




وبس. إذا حبيتو البوست إنشروه بريتويت أو لايك بالانستقرام
تواصلو معاي على حساباتي:
إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

No comments:

Post a Comment