April and May Favorites 2015/ مفضلات شهر أبريل ومايو

السلام عليكم ورحمة الله وبركاته

صايرة ما أقدر ألتزم بتدوينة المفضلات مع إني مره مره أحبها وأحب أسويها وأتكلم عنها
وأتكلم عن أفضل شي إستخدمته وحبيته وإنبسطت في نتيجته هالشهر أو هالفترة
بحاول إن شاء الله ألتزم (:

خلينا نبدأ بالفاشن

مره جبيت بلوزة الجينز هاذي من Forever21 فور ايفير21
لبستها مسكره أكثر من مره ولبستها مفتوحة وتحتها تي شيرت وحبيتها أكثر وهي مسكره
خفيفة مره وأقدر أقول أخف بلوزة جينز عندي
أتوقع للحين موجودة بالمحل



وبعد فترة إنقطاع عن الجينز رجعت للجينز
كانت مشكلتي الجيب اللي ورا، كنت أدور أنه مايكون فيه جيب اللي يتسكر من طبقتين < إن شاء الله فهمتوني بس بعدين وقفت أدور على جينز لأن كل الجينزات من ورا فيها جيوب وأنا ماأحب الجيوب مو مرتبه باللبس ولا البلايز يكون مرتب شكلها
فلقيت هالجينز مره مره حبيته من Forever21 فور ايفير٢١ سكيني وتشقيقاته بسيطة ومريح لأن خامته سترش شوي
يعني ممكن أعيش فيه للأبد وأترك كل البناطيل اللي عندي (:


كرفته كرف هالشوز ومره ممتاز لدرجة مو مبين فيه آثار الكرف والخدوش إلا شي بسيط، يلبق على كل شي وعلى كل ستايل
عندي إياه من زمان من River Island ريفر ايلاند

المكياج

تقريبا هالفتره مو صايرة أستغني عن هالشغلات خلينا نبدأ مع باليت كونتور انستازيا
- Anastasia beverly hills Contour Kit أحب أستخدم الباودر لتثبيت الفاونديشن والكونسيلر، الإضاءة للخدود وجسر الأنف وأستخدم كل الباودرز الغامقة للكونتور وأحيانا أستخدم بس واحد منهم، إذا حابين أسوي تدوينة تفصيلية عن هالباليت والفرش اللي أستخدمها قولولي تحت بالتعليقات

- Benefit Roller Lash أحسكم تشبعتو من هالماسكرا، بس عن جد جميلة وناسبتني، تقوس الرموش بشكل جميل ومرتب، ماتتكتل وتفرق الرموش وتطولها أكثر من أن تعطيها كثافة، ثابته وماتسيح وتروح بسهولة مع مزيل المكياج

- Rimmer Scandal eyes waterproof khol أحب أستخدم اللون البيج لداخل العين وخاصة إذا سويت لوك عيون كامل، اللون البيج يعطي إتساع وتحديد للعين ويبين العيون مو تعبانة، وضد الماء رقمه 005 Nude بس ماأنصح تحطينه لحاله بدون شادو وماسكرا

- Mac pro long wear concealer من أفضل الكونسيلرز اللي إستخدمتهم، ثباته ممتاز ومايخطط ولا يتكتل وأوزعه بفرشاة ريل تكنيك وأطبطب عليه بالمايكرو بيوتي بليندر، ثقيل شوي على مكياج الصباح بس ممتاز لمكياج السهرات والمناسبات درجتي NW30 ومن أسباب نجاح هالكونسيلر إني جربته بالمحل عليّ عشان كذا يبان طبيعي ويخفي الهالات ولايقلب لون الهالات لرمادي

- Mac podwer blush in Coppertone  آخر منتج مفضل عندي بالمكياج هالفترة بلاشر كوبر تون من ماك، مطفي ولونه قريب للدرجات البرونز، مره طبيعي على بشرتي ويبين توهج ولون دافي جميل


العناية

Crest 3DWhite White Strips proffessional Effects
خلصت كورس لصقات كريس ومره مره معجبة بالنتيجة، إستخدمتها لمدة 20 يوم/ نص ساعة في اليوم
إذا حابين أتكلم بالتفصيل قوليلي بالتعليقات وأكتب تدوينة كامله عنها


Collagen Facial and eye mask
هالفترة جربت كثير ماسكات من هالنوعية، تقريبا كلهم يعطوني تأثير فوري ومؤقت وليس علاجي
أنا أحب أي شي فيه كولاجين لأنه يشد، يغذي ويعالج البشره وغير كذا مع الإستخدام المستمر يقلل من ظهور التجاعيد والخطوط الدقيقة، مثلا بالأسبوع أستخدم ماسك الوجه للنضاره والترطيب أو مثلا لمن أرجع من الدوام أستخدمه عشان يخفي الإرهاق وينعش البشرة بعد التعرض للشمس، وإذا عندي مناسبه أستخدمه لأن يخلي البشره صحية ومشرقة لمن أحط المكياج وإذا حسيت عيوني منتفخة أو تعبانه في يوم ما أستخدم ماسك العيون يرطب المنطقة ويخليها ناعمه ونضره
أخذتهم من الكوهجي في الخبر


 Clarins Instant light lip comfort oil 02
زيت للتعزيز وتغذية الشفاه من كلارنس بتوت العليق 02 مره أحبه ونتايجه من أول إستخدام ظهرت عليّ، يحتوي على ثلاث زيوت نباتية للعناية بالشفاه: زيت البندق، وتوت العليق، والجوجوبا العضوي الغنية بالأحماض الدهنية. قوامه مثل القلوس يعالج الشفايف من التشققات ويحميها من الجفاف، يخلي الشفايف لها منظر مشرق لامع وذو إمتلاء، مايدبق كثير والأهم أنه معالج مع كثر الإستمرار، وأحب أخليه بروتيني الصباحي والمسائي لنتيجة فعالة أكثر، ماله لون بس بالعلبة مبين أنه أحمر كرزي، ريحته مرة جميلة ولذيذة

 Every strand keratin leave-in hair treatment 

بخاخ الكيراتين من ايفري ستراند، بعد ما أطلع من الشاور أبخه على شعري وبعدين أمشطه، اللي لاحظته أن النفشه خفت بنسبة 80% والشعر صاير غير متشابك وشكله كذا جميل مو أشهب، يعني بجد أنا معجبة بنتيجة هالمنتج، وصلني من لمحة بوكس ولو حابين تشوفون وصف المنتج أكثر شيكو على التدوينة تفاصيل منتجات أول صندوق من لمحة بوكس LamhaBox

أفكر أخذ السيروم والماسك


 Lemon cake sugar scrub سكراب للجسم بالليمون
السكراب عضوي وطبيعي، مكون من سكر، زيت زيتون، قشر ليمون، عصير الليمون، زيت الليمون


 اللي حبيت فيه أن ترطيبه قوي وبعد الشاور يعطي لمعه صحيه على بشرة جسمي، ريحته مره جميلة كأن كيكة ليمون مره مره أحبه ولا أبغاه يخلص مع إن صار لي أكثر من شهر أستخدمه بس ماشاءالله العلبة كبيره وتكفي
وصلني من ليوز بوتيك/ الخبر ومتوفر عندهم Leos_aq@

عشوائي

Smart Twist Microfiber twisted head towel منشفة لف للرأس مصنوعة من ألياف دقيقة إسمها ألياف البوليمايد وهي تساعد على إمتصاص الماء وبالتالي يجف الشعر بشكل أسرع مقارنة مع مناشف القطن الثانية ، خفيفة ورقيقة وصغيرة وناعمه على الشعر وأفكر أجيب وحدة ثانيه وأخليها للماسك والزيوت وألف المنشفه على شعري بزيت دافي، من التميمي

أشياء يمممي يممي

اللي يتابعوني في انستقرام وسناب شات شايفين قد إيش أحب القهوات الباردة من ستاربكس، ووقتها الحين مع الحر، و الكافيين اللي فيها قليل مقارنة بالقهوة اللي أسويها، من التميمي


ولأني أحب القهوة فتجيني هدايا كبسولات قهوة لآلتي دولتشي قوستو، من صاحبتي حبيبتي
كل النوعين أدمنتهم ولذيذين وخلصتهم في وقت قياسي وللأسف مالقيتهم هنا Dallmayr قهوة سوداء مره يممي وCafe Au Lati قهوة لاتيه اللي خلصتها بسرعة


Dorset Cereals fruit, nuts and seeds
كورن فليكس دورسيت، يمكن هاذي ثالث علبة أشتريها بهالفترة ماشاءالله من الكورن فليكس اللي عجبني وأصلا صغير يكفي ست أو سبع مرات بس، اللي خلاني أحبه أنه يحتوي على كل الأشياء اللي أحبها تكون في كورن فليكس زي: فواكه مجففة، مكسرات وحبوب، ثلاث أنواع من الزبيب، تمور، بذور قرع، بذور دوار الشمس، شرائح اللوز، بندق محمص، دقيق وشعير محمص وغير كذا طعم مره وجربته بس مع الحليب البارد، جربت الأنواع الثانيه بالشركه بس ماعجبني إلا هذا


Great Grains raisins, dates and pecans
وهذا بعد حبيته مره ويشبه اللي قبل بس طعم التمر هنا غير ويحتوى على أنواع من الزبيب والتمور وجوز البقان اللي نادرا ما ألقاه في الكورن فليكس الثانية. كلهم من التميمي

كتاب 

كتاب GIRLBOSS by Sophia Amoruso#
من الكتب اللي خذت ضجة وكثير ناس سوو لها ريفيوز في اليوتويب، بالنسبة لي عجبني وخلصته في جلستين قرائية بس مو لدرجة إن الكتاب واو وفظيع.  تقييمه في القود ريدز 3.7/5 ويعتبر جيد. الكتاب يحتوى على كثير من الأمل والتفاؤل. قصة الكتاب عن صوفيا آمروس مالكة الموقع الإلكتروني المعروف NastyGal.com حبيت كيف أن في الكتاب تكلمت عن بداياتها كثير وعن المواقف اللي حصلت لها واللي خلتها تتعلم دروس، يعني زي كأنها تكتب مذكرات مع نصائح . وحبيت لمن تكلمت عن القطع الفنتج للماركات العالمية مثل شانيل كانت تشتريها بدولارات وتبيعها بألآف الدولارات على موقع eBay بس برضو حسيت الكتاب فيه دعاية كثير لموقع ناستي قال.  بس بعيدا عن هذا حبيت شخصية صوفيا وكيف أنها مثابرة ومخططة على النجاح بإصرار، أقدر أعتبر الكتاب ملهم وفعال للي ودهم يبدأون مشاريعهم أو هم باديين فيها بس يحتاجون لدفعة معنوية. الكتاب خفيف ولغته متوسطة، أخذته من مكتبة جاشنمال/ سيتي سنتر البحرين

مسلسل 

مسلسل Game of Thrones
قبل العام شفت سيزن واحد ووقفته ونسيت المسلسل تماما. قررت أرجع له وشفت الثلاث مواسم مع الموسم الخامس في غضون شهر. القصة محبوكة بشكل ذكي ومن المسلسلات اللي ما أقدر أغمض عيوني فيها وأشوف حلقة ورا حلقة بدون ملل. وعلى إن أساميهم ودولهم صعبه بس حافظتها حفظ وحافظة آغلب المواقف اللي صارت لأن بجد الأحداث فظيعه ترسخ في الذاكرة مع إن فيه تشعب كثير للشخصيات ومفاجئات خرافية بس بظل أتابعه ومره متحمسه لآخر حلقة من هالسيزن. بجد كنت مهووسة في هالمسلسل. أرجع من الدوام وبس أتابعه لمن وقت النوم وهكذا

فيلم

فيلم The Wedding Ringer 

برضو شفت أفلام كثيره بس هذا الفيلم المفضل، يحكي قصة واحد مسكين وطيب وعلى نياته وبيتزوج صديقته الجميلة اللي ماعجبتني ههه المهم بيتزوجون خلال أيام وهو ماعنده أصدقاء يحضرون زواجه ومره متفشل ومتورط ولا علّم أحد أن ماعنده أصدقاء،  فيدله واحد على مكان يستأجرون فيه أصدقاء وعشان يصير عنده إشبين لحضور زواجه، عاد هنا تبدأ القصه وتصير مواقف كوميدية هيستيرية. ماودي أحرقها على اللي بيشوفون الفيلم بس الفيلم مره يضحك لدرجة بعد ما خلص رجعت أشوف الأغنيه اللي هم يرقصون عليها تضحك مره. إذا ماشفتوه سووه موفي نايت مع صحباتكم مره راح تنبسطون

مطاعم

مطعم Fuddruckers 

كنت طالعه مع صحباتي وإقترحت عليهم نروح فدركرز من زمان مارحت له، أحب عندهم الكساديا مره مره لذيذه وكان أول مره أجرب الروبيان بالليمون والفلفل الأسود مره عجبني وصار من مفضلاتي. المفاجأه إني طلبت زي ساره صاحبتي عصير برتقال بماي الورد وانا ما أحب البرتقال ولا ماي الورد بس كانت تجربة مره مره لذيذة

وبس أتمنى عجبتكم التدوينة وإكتبو لي إيش الأشياء اللي أنتو حبيتوها هالشهرين تحت في خانة التعليقات

إيميل: ThatRedLip@gmail.com

تويتر: ThatRedLip@

أنستقرام:ThatRedLip@

 سناب شات: ThatRedLip

 أسماء