وصفات لذيذة وسهلة وتنفع لرمضان


السلام عليكم ورحمة الله وبركاته

جمعت لكم الوصفات اللي أحبها وأسويها من حين إلى حين
وخاصة برمضان ✨

جمعت الصور من حسابي بأنستقرام لأن ماكنت ناوية أسويها تدوينة بس شفت أنها بتفيد بنات كثير
وخاصة أن الوصفات سهلة
سلطة الملفوف 
ملفوف، خس، جزر مبشور، شوي بصل اخضر وبصل احمر العادي، بقدونس وللتتبيله: صلصة فرنسية، خل البلسمك، ليمون، ملح وفلفل أسود, الطعم مره مره يممي تعرفوني احب السلطات

سلطة الجرجير بالبندق
حزمة أو حزمتين جرجير، خس، بصل اخضر، فلفل اخضر وأحمر واصفر مشوي، بندق محمص. التتبيلة: ليمون، خل، ملح، زيت زيتون، خردل ديجون، زعتر
 السلطة مره لذيذة وطعم البندق أضاف طعم حلو

 سلطة القرع
حبتين قرع نقشرهم مره كويس ونقطعهم مكعبات، بعدين نحط القرع في صحن كبير ونضيف عليه هالصوص: أربع ملاعق كبيره زيت زيتون، ملعقة صغيره عسل، رشة بودرة ثوم ورشة بهارات إيطالية ونخلطهم كويس، نروح ندهن صينية بزيت زيتون ونضيف القرع ونحطها بالفرن لين ماتتحمر وقبل ماتتحمر ضيفي سمسم ودخليها الفرن مره ثانيه ولمن تخلص خليها تبرد برا! الحين في صحن التقديم قطعي حزمة جرجير وضيفي القرع وفوق قطعي جبن ڤيتا مكعبات ورشي عليها صنوبر مقلي. أما الصوص: ملعقتين كبار زيت زيتون وملعقتين كبار خل البلسمك وملعقة كبيرة عسل ونص ليمونه وملح 

سلطة الخس والذرة  
خس أمريكي، ذرة، جبن تشيدر مبشور
والتتبيلة: بقدونس مفروم وصلصة إيطالية
سهله مره وماتحتاج سكين تقطعين وحوسه ولذيييذة ماراح تشبعون منها

سلطة الجرجير 
أحب سلطات الجرجير مره تشبع ولذيذة
جرجير/ ملفوف مقطع شرائح/ بطاطس مكعبات مقلية/ رمان/ جبن حلوم مبشور/ جبن موزريلا مبشور
الصوص: ملعقة كبيرة خل بلسميك/ 4 ملاعق كبار زيت زيتون/ ملعقة دبس رمان/ فص ثوم صغير مهروس/ نص ليمون 

بطاطس بالفرن
 أول شي وقبل كل شي نفتح الفرن فوق وتحت لمده ثلث ساعة على حرارة 200 ندهن صينية إما بالزبدة أو زيت الزيتون ونرص البطاطس المقطعة شرائح جنب بعض وما تكون فوق بعض، ونمسح البطاطس بهالصوص: زبدة او زيت زيتون، ملح، فلفل اسود، بودرة ثوم، بهارات ايطاليه نحط الصينية بالفرن لمدة عشر دقايق وبعدين نطلعها ونقلب حبات البطاطس كلهم ونحط فوقها مرتديلا مقطعة شرائح او هوت دوق دجاج مدخن ونرجعها الفرن عشر دقايق وبعدين نطلعها ونرش عليها جبن موزريلا او تشيدر او قشقوان أو كلهم!


تورتيليني
كيس مكرونة تورتيليني ( أخذته من التميمي)  يسلق في ماء وزيت زيتون وملح لمده عشر دقايق. في قدر نحط ملعقة زبدة ونحمر بصله مقطعة لشرائح لمن يذبل ثم نضيف فلفل برتقالي شرائح وبعدين نضيف خليط ( علبة قشطة + 6 حبات جبن كيري ) ونضيف فلفل اسود- ملح - بهارات إيطالية ونحركهم بعدين نضيف نص كاس جبن موزريلا وشوي حليب عشان يصير الخليط ثقيل. نرجع للمكرونة ونصفي مويتها ونضيفها للخليط السابق ونتركهم على نار هاديه ثلاث دقايق وبس نقدمها حاره ونرش عليها شوي بهارات ايطاليه وبقدونس

رولات المسخن الفلسطيني
في قدر ربع كوب زيت زيتون نشوح اربع حبات بصل مقطعة شرائح لمن تذبل + ربع كاس سماق ثم نضيف دجاج مسلوق منّتف ونص كوب صنوبر مقلي وفلفل اسود وملح نحركهم عالنار 10 دقايق.
نجيب خبز القرصان ( من الدانوب او بنده ) ونقطع القرصان الى قطع صغيره تكون بحجم الكف وقبل لانحشي نغمس الخبز بمرقة الدجاج بس تغميسة بسيطة جداً جداً عشان ماتتفتح عليك! نحشيها بخلطة الدجاج ( يعني نفس طريقة السبرنق رول ) ولمن نجي تسكر أطراف الخبز نحط طحينه ونسكرها وتصير زي الرولة. نرص كل الرولات في صينية وندهنها بزيت زيتون. نحمرها بالفرن من فوق ومن تحت من 20 الى 15 دقيقة على درجة حرارة 200 لمن يكون شكلها تحسين مقرمش وتقدم مع صوص الطحينه: ملعقة زبادي/ ملعقة طحينة/ نص ليمون/ سماق/ ملح/ فلفل اسود/ كمون وشوي لبن عشان يصير الخليط مو مره ثقيل بس متماسك 

سلطة فواكه 
هالطبق لازم يكون على السفرة وبدال الحلى أحيانا، دايما ننوع بالسلطة بس الفواكه الأساسية هي: تفاح، برتقال، يوسف افندي، مانجو، عنب، كيوي وعصير برتقال طبيعي وعصير مانجو من المراعي لأنه ثقيل ومناسب للسلطة
 وأحلى شي عندي بالسلطة إضافة الرمان والجوافه

قطايف بالقشطة
 في الخلاط: كوب طحين، كوب ونص مويا، ملعقة كبيرة سكر، ملعقة كبيرة سميد، ملعقتين كبار حليب بودرة، نص ملعقة صغيرة خميرة ونص ملعقة صغيرة بيكتج بودرة، بيضة وتتخمر لمده ساعة وبعدين امسحي بمقلاة صغيره زبدة وإبدأي سوي القطايف زي البانكيك ولمن تخلصين احشيهم بالقشطة! وخلطة القشطة: كاس مويا، نص ملعقة كبيرة نشا، ثلاث ملاعق كبيرة حليب بودرة، ملعقة سكر وتخلطينهم مع بعض عالنار لمن تطبخ وتثقل بعدين ضيفي لها علبة القشطة المعلبة وشوي ڤانيلا وتترك بالثلاجة تبرد وتتماسك! لمن تخلصين الحشو جيب مقلاه وادهنيها زبدة وحطي القطايف بملعقة غرف كبيره وقلبيها عشر دقايق لمن تتحمر بس ( زي البانكيك) وبعدها نحشيها بالقشطة ونسكرها ونغمسها بالشيرة ونصفها على صحن التقديم وهي حارة


إذا حبيتو هالنوعية من التدوينات وشفت تفاعل كثير 
راح أتحمس و أنزل تدوينة بين فترة وفترة
وإذا جربتو شي سوو لي منشن أو تاق أو إرسلولي تطبيقاتكم على حساباتي
راح أنبسط مره (:

وإذا عندكم طبق مفضل حابين أسويه وأجربه قولو لي عليه بيسعدني جدا أجرب شي تحبونه (:

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

24 comments

  1. يمممي انشاء الله اجرب اسويهم

    ReplyDelete
  2. الأطباق تشهي والاحلى تقدرين تحطين مثلا خضار تحبينه وتلعبين فيهم شوي 😍

    اكيد بنطبقهم
    يعطيك العافيه أسماء ع التدوينة 💙💙🌙

    ReplyDelete
    Replies
    1. الله يعافيك
      صحيح خاصة السلطات تقدرين تنوعين وتضيفين اللي تحبينه (:

      Delete
  3. وعليكم السلام ❤
    لذاذه تقوطر من التدوينه ❤.❤
    شكرا أسماء تحمست اجرب طبق XD❤

    ReplyDelete
  4. الله يعيطك العافيه على التدوينه الجميلة❤️❤️

    ReplyDelete
  5. تشكوريديرم ع البوست المفيد اللذيذ ❤️

    ReplyDelete
  6. تسلم الأيادي :* نجربها باذن الله

    ReplyDelete
  7. مره شكرًا والله يعطيك العافيه اشكالهم كلها لذيذه :$.

    ReplyDelete
    Replies
    1. يعافيك ربي
      والطعم أحلى من الشكل (:
      ننتظر تطبيقك

      Delete
  8. يميييي شكلهم لذيذ :) شككككرا على البوست الحميل

    ReplyDelete
  9. والله وطلعتي طباخه لازم اجرب واقولك النتايج 😍😍

    ReplyDelete
    Replies
    1. أمامة حبيبتي أحرجتيني هههه
      أكيد أنتظر تطبيقاتك ❤️.❤️

      Delete
  10. شكلهم لذيذين بجربهم ان شاء الله 👌💞 ، صراحه مدونتك تشمل كل شي جميل ومفيد الله يعطيك العافيه ويسعدك يارب 🙊💕.

    ReplyDelete
  11. كلها تشهي ماشاء الله ان شاء الله اسويهم
    مبرووووككككك ال١٠٠ تدوينة منها للاحسن ان شاء اللع استفدت منها ف اشياء كثير الله يسعدك 😍💜💜💜💜💜💜💜💜💜💜💜💜💜

    ReplyDelete
  12. عجبوني السلطات والقطايف الله يعطيك العافية أسوم

    ReplyDelete
  13. سويت سلطه القرع جميييييييله ما شاء الله 😍😍و جاي الدور على الباقيات

    ReplyDelete
  14. للحصول على شعر صحي يجب استخدام زيت سمسم للشعر.

    ReplyDelete