Tuesday, June 3, 2014

May Favorites 2014 ❤ مفضلات شهر ماي ❤


أهلين بالتدوينة اللي أحبها وأتحمس لها كل شهر، مفضلات هالشهر متنوعة وبتشوفون أن ماعندي مفضلات بالمكياج كثير، وأضفت مفضلات فاشن بتكون في آخر التدوينة 


يلا نبدأ:

نبدأ بمفضلات المكياج:


- هالشهر كنت أستخدم نفس ميك اب الشهر اللي فات وكنت مشغوله كثير، بس حبيت السي سي كريم حق سماش بوكس smachbox camera ready CC cream SPF 30 مره ناعم عالوجه جربت أدمجه بأصابعي بس بعد ٤ ساعات راح تقريبا من عند المنطقة الدهنية ولمن دمجته بالفرشاه صار يثبت لوقت أطول وحلو فيه spf حماية من الشمس، يغطي المناطق الداكنه ويصحح عيوب البشرة بشكل جيد جيدا 

- الشي الثاني وهو باليت نارس للبلاش NARS guy bourdin cheek palette اللي نزل وقت العطلات بأمريكا، الباليت يسوى كل ريال، نارس مبدعة في كل شي وخصوصا البلاش، أكثر لونين إستخدمتهم وأدمجهم مع بعض Orgasm- Gulue 

البشرة:
- أول شي واللي صابرة ماتكلمت عنه هو فرشاة الجل المقشر من غارنييه Garnier Pure Active intensive من أول إستخدام وأنا أحس بشرتي ناعمه بس قلت أصبري يابنت يمكن بس عشانه جديد بس ماخيب ظني أبدا وصرت أحب أغسل وجهي عشانه،  يشيل البشرة الميته ويعالج اذا كان الوجه فيه حبوب مثل حب الشباب، الفرشاة اللي فوق من السيلكون مره لينه ومرنه، طريقته ينلف المنتج وأضغط عشان يطلع جل على البشره مباشرة وبعدين أسكر العلبة باللف وأبدأ أقشر بالفرشاه بحركة دائرية لكل الوجه والرقبة صحيح أنه كبير المنتج ويعور اليد شوي يعني مو عملي  بس لمن تعودت عليه صار عادي عندي، ينفع للي بشرتهم دهنية لأن المنتج مكتوب عليه: ضد اللمعان، ضد البقع، ضد الشوائب
أحلى إحساس لمن أغسل وجهي بعد هالمقشر أحس ببرودة وكأنها برودة النعناع المثلج 

- بخاخ مياه معدنية حرارية من الينابيع للبشرة الحساسة من آفين Eau Thermale Avene Spring Water يعني تخفف الإحمرار والتهيجات اللي بالبشرة، أستخدمها لمن أشيل المكياج، قبل النوم، بعد الشاور بس مو دايم يعني متى ماحسيت أن بشرتي حاره وأحتاج أنعشها بخيت من هالمويا المنعشه، أحيانا قبل لا أروح الدوام وأنا حاطة مكياج أرش منه، في النشرة اللي جايه معها المنتج كاتبين خيارات كثيره غير اللي كتبته وماجربته: بعد إزالة الشعر، بعد الحلاقة، بعد الجراحة، عند الشعور بإنزعاج أو حكة بالجسم، بعد جهد رياضي، للبشرة التالفة بأي مكان بالجسم، خلال السفر، في الصيف >>> أحس إني طولت
المهم بعد ماتبخين إستني دقيقة وبعدين بأصابعك جففيها بشكل ناعم ورقيق، من صيدلية الدواء 

- سيروم من كلينيك لمنطقة حول العين Clinique all about eyes serum كنت غصبا أستخدمه بس عشان ما أرميه ولا هو عادي ومافيه شي زود بس لمن إستخدمته مع جل العين من كلارنس Clarins Eye Contour Gel سوو مع بعض ثنائي ممتاز السيروم أحطه أول عشان يخفف انتفاخ العين واسوي مساج ولمن ينشف أستخدم الجل بعد ليخفف انتفاخ العين والهالات السودا وأضغط بخفة وبحركة طبطبة، طبعا هاذا للروتين الصباحي و قبل لا أحط مكياج

الشعر:
- بلسم وبخاخ من ويلا للترطيب والحمايه عند التعرض للشمس Wella wellapon sun leave-in conditioning spray دايما كنت أقول لو فيه بخاخ يحمي شعري من الشمس لأني كل يوم أتعرض للشمس ولقيته بصيدلية قريبه من بيتنا، وكل مره اروح سوبرماركت او صيدلية ما ألقاه، حبيته مره عندي إحساس إنه يحمي شعري بس 

- المنتج الثاني ماسك من لوريال Loreal Elvive Arginine Resist هاذا الماسك لضد تساقط الشعر فيه سيروم ثقيل مره وعالي في الترطيب، أستخدمه في الشاور أحطه على شعري المبلل وأخليه خمس دقايق وبعدين أشطفه، ينعم الشعر ويهجد من الكشه شوي

- ربطات الشعر اللي ما أستغني عنها، انا بالعادة بالدوام ما أربط شعري بس ألبس هالربطات بيدي عشان لو إضطريت أربط شعري ألاقيها جنبي ومنها إن المطاط خفيف عالشعر يعني مايقطع الشعر لمن تفكينه، أخذتها من إكسسواريز بس تلاقينها بألدو، فور ايفير ٢١، اتش اند ام

الجسم:
لهالشهر عندي منتج واحد هو The Body Shop peppermint cooling foot spray بخاخ الرجل بالنعناع المنعش للرجل التعبانه أو للإنعاش فقط، أستخدمه بعد ما أرجع من الدوام أغسل رجلي وأبخه يعطي إنتعاش وريحة نظافة ويلسع (; 

المفضلات الفاشونية:
شنطة مكياجي من فيونكة
حرفيا ماطلعت من شنطة الدوام من أول السنة، تكرف وكأنها جديدة مره أحبها 

حلق من كليرز بس مدري كيف أشرحه هو حلق للأماكن اللي مافيها خرمات بالأذن تقدرين تحطينه بأي مكان بالأذن حلو مره  يجي ٣ قطع بالسيت الواحد كلهم ذهبي بس الكريستال مختلف لونه

مفضلات عشوائية ونبدأها مع الأكل: ❤ــ
  Arizona Iced tea with peach flavor, lemon flavor, mucho mango, fruit punch
أحلى شي في المفضلات عندي الأكل هالشهر أنا مدمنة للآيس تي من أريزونا اللي بالصورة هذا اللي باقي بالثلاجة وفيه ثلاث أنواع ماصورتهم لأنهم خلصو بس تلاقونهم بالآنستقرام فيه بالمانقو، الفواكه، التوت البري، البطيخ، الليمون، الخوخ وفيه شاي أبيض مع التوت الأزرق يمممي!! طبعا أحب أحط معاهم مكعبات ثلج عشان يعطيني طعم الإنتعاش أكثر وأحب أستخدم هالمق من ريد تاق

شكله كأنه ثلج من برا يحمس للشرب وكبير مره 

 شوفو الأشكال كيوت مره، لوح رقائق محمصة مع شوكولاته بيضاء من بوبنز بالعسل والشوكولاته وعادي 
أحيانا أطفش من التشوكلت والبسكويت فأحب أجرب الألواح اللي بالشوفان وهالمره جربت ألواح الكورن فليكس مره لذيذة وأنصحكم فيها تشبع وسناك خفيفة بالدوام

الروائح ( حسيت الإسم غريب بس يعني ممكن يكون شمعة/ عطر/ بخاخ للمكان)
الريحة المنعشة اللي عرفتها من البنات بالدوام Dettol neutra air sparkling water 
ريحة نظافة نظافة وكذا أحس إذا بخيته بالغرفة يصير من جد تنقية في الجو أنا أحب اللي بالمياه المنعشه بدون ريحة مزعجة، ما أحب الورود والفواكه *ـ*


الآبليكيشن:
ابليكشن الشهر هاذا هو InstantBot
تسجلين فيه اكاونتك بالانستقرام وتحفظين الصور والفيديوز في جهازك 
أحبه عشان أحفظ فيديوهات عيلتنا وأشوفها متى ما أبغى
هنا رابط التحميل 

فيلم الشهر المفضل:
الشهر هاذا ماشفت مسلسلاتي، وقفتها كان مودي أفلام شفت تقريبا ٧ افلام بس أكثر فيلم أثر فيني وحبيته هو Changeling بطولة أنجلينا جولي وقصته بدأت في عام 1928 أم عزباء تفقد طفلها في ظروف غامضة وتلجأ لشرطة لوس أنجلوس والمعروف أن شرطة لوس أنجلوس هذاك الوقت شديدة جدا وماعندهم رحمة، شوفو بالفيلم كيف عذبوها ومرمطوها ): واضح إني أنا اللي تحمست عالفيلم مره ثانيه، مدته ساعتين وثلث ، هو قديم من 2008 بس عادي توني أشوفه الحين!! تمثيل أنجلينا يأسر ): وخلوني أقولكم شي يحمسكم أكثر الفيلم مستوحى من قصة حقيقية 

 

أي سؤال أو إستفسار أنا حاضره وموجودة كل يوم بالتويتر والإنستقرام
أتمنى تكون التدوينه مفيدة وياليت تسوون لها مشاركة في كل مكان تويتر، انستقرام، واتساب، سناب شات هههه امزح

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

أحبكم كثير , أسماء xo

5 comments:

  1. عجيبة انتي♡
    بجرب الأشياء و بدعي لك

    ReplyDelete
  2. مقشر غارنيه من وين؟؟ وتسسلمين ع المدونه الجميله

    ReplyDelete
    Replies
    1. من الصيدليات أو السوبرماركت

      Delete
  3. ياليت تحطين روابط لكل شي مذكور بالمدونة بالمستقبل يعني اذا لقيتي روابط للاشياء المذكورة مثل شنطة الميك اب من فيونكة ووكذا يعني . شكرا الدونة مرة جميلة ومفيدة اول مرة ادخلها وصدق ليتني دخلتها من زمان .

    ReplyDelete
    Replies
    1. بحاول أحط روابط، راحت عن بالي
      ومنتجات فيونكة تلقينها بحسابهم على التويتر والانستقرام @Fyunka

      Delete