Monday, May 12, 2014

DIY: Face& Body Scrub إصنعيها بنفسك: مقشر لبشرة الوجه والجسم


أهلين
أول مره أسوي تدوينات من نوع إصنعيها بنفسك
تدوينه سريعة عن مقشر سهل وسريع تسوينه بالبيت، عرفته من خالتي وسويته ثلاث مرات ومره مبسوطه عليه قلت لازم لازم أكتب عنه عشان تجربونه لو ماتعرفونه من أول، النتايج اللي شفتها هي نعومه ونضاره ببشرة الجسم والوجه، وفي زي اللمعه وكأني مستخدمه زيت بيبي أويل، وشي ثاني أول مره يصير لي أن حتى لمن تروشت مره ثانيه حسيت البشرة مترطبة مافيها جفاف (:

إشرايكم فيني وأنا أسوي صورة مقدمه *ـــــ*


كل اللي بنحتاجه هو:
ملعقتين كبيره شوفان

ملعقتين كبيرة سكر

عسل

زيت زيتون ( مره إستبدلته بزيت اللوز ) كانت النتيجة مشابهة بس الفرق إني أغير بالزيوت

ملعقتين كبيره زبادي

ونخلطهم سهلة صح (;

بالشاور وقبل السباحة أوزع السكراب على كامل الجسم بما فيه الوجه وبعدين بحركة دائريه أسوي مساج، وعند الأماكن الغامقة والجافة أخذت نص الليمونه وفركت بحركات دائرية .. خليته عالجسم لمده ربع ساعة أو أقل وبعدها بدأت بالشاور العادي، أسوي المقشر هاذا كل أسبوعين تقريبا أو إذا عندي مناسبة ..

إذا جربتوها قولو لي رأيكم *ـ*


أي سؤال أو إستفسار أنا حاضره وموجودة كل يوم بالتويتر والإنستقرام
أتمنى تكون التدوينه مفيدة وأتمنى نشرها ودعمي (:

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

شكرا على دعمكم ❤ ولسا أحتاج دعم أكثر (":

Much Much Love, ASMA xo

5 comments:

  1. كم مقدار العسل والزيت

    ReplyDelete
    Replies
    1. ماوضحت لأن ماعندي مقدار معين ممكن ملعقة او ملعقتين او اكثر

      Delete
  2. حبييت اشكرك كثيير ع الوصفه المفييدة جداً، تسلم الأيادي :)
    بس لو سمحتي ممكن اطرح سؤالين:
    الاول هاذ المقشر مفيد لكل انواع البشره؟
    و الثاني هل فيه نتيجه ولا لسه؟ يعني فعلا يفتح البشرة و كلشي؟
    و شكرا كثيير مرة اخرى حبيبتي
    جعله الله في ميزان حسناتك :)

    ReplyDelete
    Replies
    1. مفيد لكل أنواع البشره
      النتيجة هي ترطيب ونعومه بس ماله دخل بالتفتيح

      Delete
  3. مرا حبيييته وبجربه باذن الله ❤️ احسن انه نعرف مكوناته ودائما متوفره بالبيت 👌🏻 يعطيكك الف عافية 💕.

    ReplyDelete