February Shopbop Haul مشترياتي من شوب بوب

  اهلا فيكم في تدوينة مشتريات جديدة من موقع ShopBop
هذه المرة مشترياتي واضحة من الصورة
كلها أحذية " وأنتم بكرامة "

هذه المره جددت حبي لماركة مالون سولير وإكتشفت ماركة جزم تجنن
واخذت منهم شوز يشبه تصميم فلات قوتشي المشهور 
وأيضا جبت حلق من زمان أدور عليه
يلا نبدأ

 و نبدأ مع ماركتي المفضلة للإكسسوارات ماركة شاشي
إذا تعرفوني زين تعرفون إني احب اكسسوراتهم وخاصة في الصيف 
أحب الاساور الملونة اللي عندهم ومع التان تطلع تجنن
أيضا أسعارهم جدا معقولة على جودة الاكسسوارات

بما إني انسانة خوافة وماتحب خرمات الأذن الكثيرة 
بس بنفس الوقت أحب الحلقات على الأذن
يعجبني هذا النوع من الحلقات اللي مايحتاج خرمة بالأذن
ومو دايما ألقاه
فأول ما لقيته عند شاشي حبيته وقلت لازم آخذه
عجبني مره باللبس

شكله كبير بالصورة بس باللبس مره مره صغير
زي كذا


ماركة سام ايدلمان تعرفت عليها مؤخرا من شوب بوب
ولاحظت ان كل ما أتصفح الموقع تعجبني أحذيتهم
تصاميمهم متنوعة وحسيتها تتشابه كثير مع ماركات الهاي اند براندز
مثل قوتشي، بلنسياقا، سان لوران، ايرمز وغيرهم
وأكثر شي مشهورين فيه سام ايدلمان هو الفلاتس

أغلب الريفيوز اذا مو كلها تمدح بالماركة وقد ايش مريحة باللبس
والأحلى من كذا أسعارهم جدا جدا معقولة
يعني تتراوح بين 350 -750 ريال سعودي

 فحبيت أجرب هذا الموديل Loraine Loafers من عندهم
بما إني ألبس فلات كثير
إخترت هذا اللون
والأحلى من كذا خامته Linen كتّان
فحسيته غريب على خامة شوز
من ناحية الإستعمال لبسته مره وحدة وكان مريح جدا
حتى لونه يجنن باللبس
بس يبغالي ألبسه أكثر من مره عشان أحكم عليه

بالنسبة للمقاسات
أخذت مقاس 7 بالأمريكي يعادل مقاس 5 بالبريطاني


 زي ماقلت لكم ببداية التدوينة
شكلي أغرمت بجزم مالون سولير
مو طبيعي قد ايش مريحة باللبس
وشكلها أنيق وفخم

هذا الموديل إسمه Robyn Pupms
وطول الهيلز 2.75 انش
اخذت الهيلز القصير
عندهم نوعين من الهيلز الطويل والقصير
وأنا ألبس هيلز قصير أكثر من الطويل
فحبيت أستثمر فيه وفي ولون يبقى معاي فترة طويلة وألبسه كثير
فإخترت الهيلز أسود والستراب نود
خامة الشوز جلد

كان ودي بالنود كله بس مالقيت الهيلز القصير على شوب بوب
ممكن ينزلونه هذه الفترة
بس صدق صدق أنصح بأحذيتهم

بالنسبة للمقاسات
اخذت مقاس 39 مع إن مقاسي بهذه الماركة 38.5
بس قرأت بالريفيوز أن الهيلز المسكر من ورا يفضل تاخذون مقاس أكبر من مقاسكم
لكن طلع شوي واسع علي 
بس يعني عادي أقدر أمشي فيه
المره الجاية بجرب اخذ مقاس 38.5 


 على فكرة شوب بوب مسوين تخفيضات رهيبة على الموقع
إذا حابين إستغلوها ولاتنسون تستخدمون كود الخصم GoBig19
قبل الدفع
بتنتهي تخفيضاتهم 2 مارش
إذا حابين شيكوا على تدوينات مشترياتي من شوب بوب السابقة

بشارككم بعض من إختياراتي من الموقع
بس اضغطوا على الصورة للرابط






وبس بكذا أكون وصلت إلى نهاية التدوينة
أتمنى تكونون استفدتوا واستمتعتوا

ــــــــــــــــــــــــــــــــــــــــــــــ


إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء


3 comments

  1. ماشاء الله مشترياتك كلها تجنن 😻💗 حبيييت الحلق والفلات 💜

    ReplyDelete
  2. 💛💛💛💛❤❤❤❤❤❤

    ReplyDelete
  3. دايماً اثق باختياراتك، طبيعي اني اول ما شفت التدوينة فتحت الموقع وطلب فلات من نفس البراند 💁🏻‍♀️💘💘

    ReplyDelete