Sunday, May 12, 2013

محتوياتي المفضله بالشنطة {:



السلام عليكم ورحمة الله وبركاته..

كنت بسوي تدوينة عن مفضلاتي لهالفتره بس طرت ببالي فكره ليش ما أسوي عن الأشياء اللي أحبها تكون معاي في شنطتي و اللي هالفتره ماأستغني عنها بالشنطه ..
أكيد في أشياء كثيره ماأستغني عنها وفي أشياء تتغير كل أسبوعين وحسب بس اللي في التدوينة اليوم هي الأشياء اللي فضلتها وحسيتها ساعدتني كثير 



 نبدأ:


أجنده أسبوعية ماركة Moleskine ومع ستكرز للأشياء المهمه، ماأستغني عنها وخاصه أن قدام كل صفحة الأسبوع ورقة فاضيه أكتب فيها الأشياء الجانبية، والحلو فيه أن حجمه مره صغير وخفيف بالشنطه .. مره حبيتها وأكيد برجع أشتريه للسنة الجايه ..
من متجر قرطاسية بـ 54 ريال
بس حاليا مو متوفر بالمتجر تقدرين تطلبينه من أمازون 

محفظتي الجميله اللي وقعت بغرامها من أول نظره وتكفي لكل شي بجد كل كل شي، عندي إياها من سنة يمكن ماأقدر أستغني عنها إلا إذا شف شبيهة لترتيبها وتقسيمها ..
من نيولوك بـ 50 ريال

محفظة جلديه بلاستيك ماركة SundayMorning Sunshine  بلون الموف الباستيل أحط فيها كل الأشياء الصغيره مثل: فلاش ميموري، مفتاح البيت، مفتاح اللوكرز، الأوراق الصغيره المهمه، عطر صغير مره، قلم وأي شي ماأبغاه يضيع بالشنطة وأوصل له بسرعه أحطها فيه، جدا عملية ..
من متجر قرطاسية بـ 15 ريال

كتاب Common Mistakes in English وصار لي فتره فتره طويله من جد هالكتاب مايطلع من شنطتي، هالكتاب ساعدني وللحين اتعلم منه ..  فكرته: يجيب الكلمه الشائع إستخدامها في جمله ويبين الخطأ والصح يعني يعلمك الصح والخطأ في سطرين، سلس ومسل وممتع .. هنا ريفيو عن الكتاب ( مراجعة كتاب Common Mistakes in English
من جرير بـ 65 ريال


كريم لليد  Love tour shine بالأساس هو زبده للجسم بس ماقد إستخدمته كذا ولأنه صغير وترطيبه قوي قررت أخليه كريم لليد (;
من H&M جاني هديه 


روجين الوردي من مجموعة صبايا من مكياجي والثاني نود من ريفلون، ماأستغني عنهم بالشنطة مايطلعون، يعني إذا تورطت ونسيت شنطة المكياج أهم شي يكون موجود هالروجين خلاص كل شي ينحل (; ماأذكر أسعارهم!!

بخاخ للجسم بفاكهة العنب الأحمر، أحب أستخدمه في كل طلعاتي لأن ريحته خفيفه وانا راسي يصدع من ريحة العطر فأحب يكون بشنطتي سبراي الجسم لأن ريحته تكون أقل تركيز ..
من Le verger Shop جاني هدية 

وبس هاذا كان كل شي للتواصل معاي

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

Much Much Love, ASMA

5 comments:

  1. أغراضك جميلة و مرتبة ماشاء الله
    بالنسبة للمفاتيح خصصت لها شنطة صغيرة أريح من دوشة الدماغ و إنها تضيع

    ReplyDelete
    Replies
    1. من جد فكره الميدالية مره مو مرتبه بالشنطه -ـ- أسعدني ردك ♡

      Delete
  2. أغراضك جميله و مفيده مو خرابيط ! و أختيارك لها و لـ الألوان مره ذوق و ستايلش & سوي رفيو للكتاب بليز واضح انه مممره حلو و ممتع

    Thanx ,,

    ReplyDelete
    Replies
    1. شكرا حبيبتي ♡♡ إن شاءالله هاليومين ينزل الريفيو

      Delete
  3. عن جد تدويناتك رائعة و استفادت منها :)

    ReplyDelete