Tip of the week 101 نصيحة الأسبوع

السلام عليكم ورحمة الله وبركاته


هالمره بنتكلم مكياج، إذا عندك فرش عيون قليلة وتستخدمين الفرشاة لأكثر من لون أو مثلا إذا كنتي مستعجلة ومايمديك تستخدمين غير فرشاة وحدة مو مشكلة فيه حل
يعني مثلا أشوف أن أهم ثلاث فرش للعيون اللي مفروض تكون عندك هي: فرشاة وضع الاي شادو، فرشاة الدمج، فرشاة كسرة العين



أستخدم بخاخ تنظيف الفرش المؤقت من إلف ELF daily brush cleaner

أبخ بخة وحدة على الفرشاة


وبعدين أمسح الفرشاة بوسط المنديل


 وأضغط بشكل خفيف عشان أتخلص من اللون السابق


وبس اللون الحين راح وأقدر أستخدم الفرشاة للون ثاني بدون مايأثر اللون السابق،
اللي حبيته في هالبخاخ أنه ينشف بسرعة يعني الفرشاة ماتتبلل وتنتظرين، وشي ثاني أن حتى القليتر يروح ومايبقى له أثر بس لازم تبخين مرتين عشان القليتر يروح تماما

 أستخدم هالطريقة بعد لفرشاة البلاش يعني بختين من البخاخ ونمسحها بمنديل وتقريبا يروح اللون السابق

هالطريقة ماتغني عن التنظيف العميق للفرشاة بس هنا كإختصار عشان لو تبغين تستخدمين الفرشاة للون ثاني وماعندك نفس هالنوع من الفرشاة

إذا تعرفون منتجات نفس هالمنتج من إلف إكتبوها في التعليقات (:

وإذا فاتتكم تدوينات هذي السلسلة شيكو عليهم هنا:
١- Tip of the week 101 نصيحة الأسبوع
٢- Tip of the week 101 نصيحة الأسبوع

حبيت أن العنوان مبهم بحيث اللي يدخل التدوينة يكتشف إيش هي (: وشكرا لكم لأن قلتو خلي إسم السلسلة زي ماهي

إيميل: ThatRedLip@gmail.com

تويتر: ThatRedLip@

أنستقرام:ThatRedLip@

 سناب شات: ThatRedLip

 أسماء