إختياراتي من الماجد للعود ❤

السلام عليكم ورحمة الله وبركاته

حبيت أشارككم اليوم إختياراتي من الماجد للعود والعطور، زي ما نعرف أن الماجد عندهم أنواع مميزة من العود والعطورات الفرنسيه، وحاليا عندهم خصومات 50% وقبل أسبوع نزلت عطر ريتاج في الانستقرام وسألتكم إيش تحبون من الماجد وكتبت كذا شغلة من توصياتكم عشان أجيبها المره الجاية

المهم خليني أوريكم إيش جبت من عندهم

عطر معاني❤ ريحته عود وورد مغربي مره رايق وأهديته لبابا جد ريحته مميزه وقوية

علبته فخمة وكبيره وتصلح لهدايا

سعره 300 وبعد الخصم 150

عطر ريتاج تقريبا ريحته زهور وحسيت أنه له شعبية عندكم وخاصة لمن قلتو لي خذي اللوشن تحمست وإن شاء الله برجع أخذه

حاليا أستخدمه مع عود ولمن يبرد يعطي زي ريحة البودرة مره مره جميل الخلط بينهم ❤ـ❤

سعره 120 وبعد الخصم 60

فواحة العاذرية ريحتها فظيعه فخمه ❤ـ❤

الفواحة أخذتها من سنتر بوينت

الفواحه مكانها وسط الصاله والعطر ريحته قوية وثابته لدرجة أشمه وأنا برا الصالة

*بالنسبة لحسابهم في انستقرام وتويتر إذا حابين تسوون لهم فولو وتعرفون الجديد ووقت الخصومات: almajed4oud@

والموقع: www.almajed4oud.com

بالنسبة للتخفيضات تنتهي يوم الإثنين 23/2/2015 ، لحقو وجيبو الأشياء اللي تعجبكم 

بالنسبة لي بشيك على هالمنتجات وكلها من توصياتكم: 

مفرش وهج، عطر ليال، عطر تذكار، عطر جذاب يقولون ريحته على مسك، لوشن ريتاج للجسم، بخاخ ريتاج للجسم، خلطة رقم ٤ و ٧ و ٨ للبيت 

وحابه بعد أقرأ تعليقاتكم إيش عندكم من الماجد وليش تفضلونهم؟

إيميل: ThatRedLip@gmail.com

تويتر: ThatRedLip@

أنستقرام:ThatRedLip@

 سناب شات: ThatRedLip

 أسماء