Review: Benefit-Stay Flawless 15 hour primer مراجعة برايمر ستاي فلولس من بينفيت


السلام عليكم ورحمة الله وبركاته..



قبل أكثر من شهرين رسلو لي بنفت برايمر Stay Flawless 15 hour primer ومن أول يوم كنت متحمسه له بسبب علبته وشكله الكيوت مره، أي شي منقط polkdots يجذبني وأبيض وأسود ♥-
شكل البرايمر زي ستيك الفاونديشن أو روج بس على شكل أكبر، تركيبته تحسينها زي الصمغ ثقيله شوي بس أول ماتحطينه على البشره ماتحسين بشي، لاتحتاجين تدمجينه وهاذا اللي خلاني أحبه على عكس بعض البرايمرز اللي لمن تحطينه على البشره لازم تدمجين بأصابعك، بس بعد البرايمر بدمج معاه الفاونديشن فيصير ثابت، مثل ماهو مكتوب إسم البرايمر بيخلي وجهك صافي بالميك اب مده 15 ساعه بس عن نفسي ماجربت أحط مكياج لأكثر من 9 ساعات بس يعني في نهاية الساعة السادسة أحس لازم أرجع أضبط المكياج، البرايمر ينفع لكل أنواع البشره، ماله ريحة أبدا وهاذا مهم، لونه وردي فاتح بس لمن تحطينه عالبشره اللون يكون خفيف جدا جدا يكاد ينعدم، يعطي لمسه خفيفة مخمليه ..


عندي طريقتين لإستخدامه ١- أحطه على كامل وجهي بما فيه منطقة العين من تحت وحواجبي وبعدين أحط الفاونديشن بعده وأدمج بأصابعي أو البيوتي بلندر ..
٢- أحط البرايمر على نص الوجه وأحط فاونديشن وبعدين أحطه على النصف الثاني من الوجه وأحط فاونديشن مباشره وأدمج بأصابعي أو البيوتي بلندر ..
الطريقة الثانيه أستخدمها لمن أحس وجهي فيه جفاف من الجو بس أكثر شي أستخدم الطريقة الأولى ..

بالنسبه لبشرتي هي مختلطه في الصيف وعاديه في الشتا و فيها مسام شوي وأحسه يغطي المسام بس مو لدرجه يخفيها وأتوقع اللي عندهم مسامات كبيره ما يغطيها بس يعطي حمايه وترطيب وعشان كذا أنا أستخدم برايمر ثاني من بينيفت The POREfessional بس عالمسامات

لاتستخدمين الفرشاه في دمجه، إستخدمي أصابعك لأن المنتج قوامه ثقيل بس مجرد ماتحطينه على البشره يصير خفيف ولو إستخدمتي الفرشاه بيروح  في الفرشاه وإستخدمي مقدار صغير مو لازم تمررينه على بشرتك ثلاث مرات بيصير مره ثقيل ومره مو حلو بيصير زي اللي يلزق فحطيه مره وحده ..

إستخدمت البرايمر مع كثير من الفاونديشنز والبي بي كريمز واللي لاحظته أن بالفاونديشن يثبته بس البيبي كريم يحتاج في نص اليوم ترجعين تسوين تتش أو تعدلين على مكياجك، ملاحظه ثانيه أن يعطي لمعه الديوي يعني نضاره في الوجه مايطلع المكياج مات، أما للي بشرتها دهنيه لازم بعد ماتخلص مكياج تحط باودر لأن البرايمر مع الباودر يخلي المكياج ثابت أكثر ولاتكثرين عشان ماتروح نضاره المكياج..

بالنسبة لي صار هالبرايمر من الضروريات وما أستغني عنه في مكياجي اليومي وللمناسبات، اللي يتابعوني في إنستقرام بيعرفون إن مؤخرا كل صور مكياجي فيها هالبرايمر أحس بالراحة لمن أحطه أن بشرتي خلاص مترطبة وأقدر أرتاح وأحط اللي أبغاه من مكياج ..

الشي الوحيد اللي ماعجبني أنه بعد ثلاث أسابيع من إستخدامه إنكسر نصه من الداخل مع إني مافتحته كله إلا أول مره عشان أشوف قد إيش المقدار الموجود، وبعد شهر ونص من إستخدامي له من النص صار فيه دائره مجعده بس ماتأثر على جودة المنتج، المشكله في الباكجنق من الداخل ..

آخر شي بقوله أن التدوينة عن هالمنتج كان صعب جدا أكتبها ودي بس أحط صورة البرايمر وأكتب جربوه حلو مره هههههه ♥ عن جد يستاهل وأكيد برجع أشتريه (:

تلاقين المنتج في سيفورا، وسعره يمكن أكثر 150 ريال مو متأكده من سعره بالضبط

آخر بوست لي:

مراجعة مسحوق تجميل الحواجب Beautiful Brows و قناع الطين Glam Glow tingling & exfoliating youth mud mask


و أي سؤال أو إستفسار يسعدني ردك هنا في خانة التعليقات أو:
إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

أحبكم كثير 
Much Much Love, ASMA xo

No comments

Post a Comment