الأربعاء، 25 مايو 2016

ثلاث تنسيقات للتنورة الحمراء لصيف 2016 /Red Skirt Outfits


السلام عليكم ورحمة الله وبركاته

أهلا فيكم، مره مبسوطة بتدوينة الفاشن لهالأسبوع، لأني اخترت اليوم  قطعة نادرة ماتلقاها كل بنت في دولابها وهي التنورة الحمرا، حبيت أغير مفهوم التنورة الميدي/ الطويلة جريئة اللون ونستغلها في تنسيقات كثيره وغير عن المعتاد
إخترت التنورة من ماركة Free People من موقع شوب بوب Shopbop
هنا رابط التنورة: Free People Easy Breezy Skirt

Bohemian Look
التنسيق الأول: البوهيمي
إخترت الستايل البوهيمي للتنسيق الأول
اخترت بلوزة Off Shoulder من Mango واللي هي ترند لصيف 2016 مع التنورة الحمرا

لبست شوكرز من Zara بلون البني الفاتح عشان يتناسب مع الاكسسوارات الذهبية اللي إخترتها

بالنسبة للحلقات فإخترت الحلقات اللي ألبسها على أذن وحده، كل حلق أخذته من مكان، ما أذكر من وين بس من محلات الستريت فاشن
أما الأساور فإخترت تكون ملونه من براند شاشي Shashi، أحب هالبراند ومنتجاتهم عملية للإستخدام اليومي، اللي بالخبر تقدرون تلاقونها في محل Starlement أو إذا حابين تطلبونها من شوب بوب هنا رابط الأسوارة التركواز  Shashi Lilu Seed Bracelet 

الكلتش أخذته برضو من نفس ماركة الأساور وهي Shashi حسيتها مناسبة للوك البوهيمي اللي أبغى أسويه
هنا رابط الشنطة: Shashi Riyaz Clutch 
الهيلز: Nine West 

Casual Look
التنسيق الثاني: العملي الكاجوال
حبيت بلوزة الجينز مع اللون الأحمر وخاصة إذا كانت البلوزة فيها شي ملفت زي الاكسسوار اللي عليها

إخترت قميص الجينز الفضفاض من Mango، ماحبيت ألبس بلوزة كم طويل لأن هالتنسيق للصيف، وحبيت يكون التنسيق مناسب نهار وليل بحيث هالإكسسوار اللي على القميص يناسب لعزيمة مسائية

برضو المجوهرات إخترتها بسيطة وناعمة وقليلة تتناسب مع اللوك
الحلق والخواتم: ألماس
الهيلز: Nine West

Sport Chic Look
التنسيق الثالث: سبور شييك 
حبيت يكون ستايل السبور شيك مركز على التنورة والسنيكرز

 إخترت لهالتنسيق تي شيرت صيفي خفيف من Stradivarius

النظارة: Dior
الشوكرز: الأسود من Stradivarius والفضي من Forever21
الخواتم السودا: ما أذكر من وين
الخواتم الفضية: Starlement
السنيكرز: Adidas Gazelle OG collection

بما إن أكثر من مره متعاملة مع موقع شوب بوب Shopbop
فحبيت أقولكم الموقع يحتوي على براندز عالمية معروفة والتسوق فيه مريح وسهل، الموقع يعرض الأسعار بالريال السعودي، يوصل دايركت للسعودية، مو شرط يكون عندك بريد لأنهم يوصلون مع DHL، كل فتره يكون عندهم عروض وخصومات فسجلي فيه عشان توصلك النشرة البريدية منهم

نصيحة هالبوست:
 دايما خلي في تنسيقك قطعة ستيتمنت يعني هي الأساس ممكن تكون اكسسوار، شوز، بلوزة أو تنورة والباقي في التنسيق خليه مكمل لهالستيتمنت، يعني لاتحاولين تلبسين كل التريندز والأشياء الملفته في تنسيق واحد 


قولولي أي تنسيق تحسونه يناسب شخصيتكم وممكن تلبسينه؟
وبعد قولولي لو عندكم تنسيقات على تنورة حمرا عشان نشجع بعض على تنسيق الألوان الجريئة

ولاتنسون لو حبيتو التدوينة شاركوها مع من تحبون من خوات، قريبات، صديقات بيسعدني هالشي مره 


إيميل: 
ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء 

هناك 31 تعليقًا:

  1. وعليكم السلام ♥️
    حبيت التنسيق الكاجوال شخصيتي♥️_♥️
    حمستيني على موقع shopbop
    شكرًا أسماء من سناب ♥️

    ردحذف
  2. حمستيني اسوم اخذ للعيد تنسيق كذا يتناسب مع كل وقت ولوعندك لبس مناسب للسفر بما ان صيف والكل بيسافر ياليت لو تمثري هالتدوينات ومررره شكرا

    ردحذف
  3. حبيت التنسيق الاول اكثر شيء ��

    ردحذف
  4. حبيت التنسيق الاول اكثر شيء ��

    ردحذف
    الردود
    1. الثاني حبيته اكثر شي ❤

      حذف
  5. جميل جميل ماشاء الله كل تنسيق مختلف تماماً يلفت النظر كيف كل قطعة مرتبة ومناسبة حبيت و معروف ستايلك أسماء ������
    انيق جداً ماشاءالله كل التنسيقات

    ردحذف
  6. كل ستايل أحلى من الثاني أكثر شيء عجبني البوهيمي ويعطيك العافية أسماء

    ردحذف
  7. ماشاء الله ذوق ربي يحفظك وانتي البلوقر الوحيده اللي اثق بذوقها ورايها جددد انتي سعاده واعجبني اكثر اللوك الكاجوال . وهذا او

    ردحذف
  8. التنسيق الأول؛البوهيمي❤️
    ويعطيك العافيه انتي انسانة ذوقك رفيع مره ماشاء الله وعندك حس ابداعي عظيم
    استمري وبالتوفيق
    من السناب

    ردحذف
  9. يعطيك العافية أسماء وحشتنا تدوينات الفاشن الأنيقة
    حبيت التنسيق البوهيمي
    من السناب ✋🏼❤️

    ردحذف
  10. يعطيك العافيه اسماء دايما مبدعه
    حبيت التنسيق الثالث ( السبور شيك ) بس يمكن لو اطبقه اغير لون التيشرت

    من سناب

    ردحذف
  11. ماشاءالله عليك كل لوك ينطق جمال اكثر من الثاني خاصة الاول مرره حبيته ❤

    ردحذف
  12. ماشاءالله عليك كل لوك ينطق جمال اكثر من الثاني خاصة الاول مرره حبيته ❤

    ردحذف
  13. حبيت الستايل السبورت اكثر بالنسبه للستايل المفضل لي بالعاده بس هالشيء مايعني ابدا ان الباقي ماعجبني🙌🏾
    انا من السناب والحمدالله قدرت اشوف التدوينه من بدري قبل العيد🙇🏽

    ردحذف
  14. حبيت الثالث والثاني طبعا كلهم حلوين لكن حسيتهم اكثر جراءه وودمج الوان لطيف مره حبيت البوست مبدعه ي اسماااء ❤️��

    ردحذف
  15. مره مره انيييييييييييق والله
    ابدعتي

    ردحذف
  16. حبيت التنسيق الثاني اكثر لاني بالاربعين صعب البس الاول مع انه جسمي حلو لكن مااحب اطلع متصابيه هههههه

    ردحذف
    الردود
    1. حبيت انك بالاربعين ومهتمه بمظهرك وتدوينات الفاشن مع انك مو كبيره ابدااا لكن نادر نشوف ناس كذا بمجتمعنا ودام جسمك حلو ومهتمه بحالك البسي اللي يعجبك عادي ماعليك من الناس ايش تقول ❤️

      حذف
  17. اول تنسيق يناسبني نوعا ما لكن يعجبني القمصان الطويله ع التنانير كذا اناقه والتنسيق الاخير عجبني وباجربه ان شاءالله💗👍🏼

    ردحذف
  18. يديك العافية اسومه حبيت التدوينة���� حبيت كل التنسيقات بس اللي كان قريب ليا اللي مع البلوزة الجينز ������ من سناب ��

    ردحذف
  19. ثاني ستايل يمثلني مره
    وممكن يكون معها تي شيرت من زارا اللي علامه بيبسي
    بيكون سبور ����

    ردحذف
  20. اللوك البوهيمي وايد دارج هالفترة . . حبيته أكثر شي و التنسيق اللي مع البلوزة الجينز بعد
    أما آخر تنسيق حلو بس ما يناسب شخصيتي و ستايلي ^ ^

    دمتي بود

    ردحذف
  21. تنسيقات جميله رغم ان لون التنوره صعب شوي 💜

    ردحذف
  22. hello Asma,Great style of Yours...especially the Bohemian Look...cheers!
    mashallah

    ردحذف
  23. وينتس من زمان عن تدويناتك اشتقنا :(

    ردحذف
  24. أشتقنا لتدويناتك ""(

    ردحذف
  25. نصيحة قطعة ستيتمنت أذكر من زمان قلتي عنها
    ومن يومك وأنا أركز بأشيائي وأخلي شي منهم أساس
    مرررره شكراً أسماء ^^

    ردحذف
  26. حبيت ثاني تنسيق ❤️

    ردحذف