ثلاث تنسيقات للتنورة الحمراء لصيف 2016 /Red Skirt Outfits

السلام عليكم ورحمة الله وبركاته

أهلا فيكم، مره مبسوطة بتدوينة الفاشن لهالأسبوع، لأني اخترت اليوم  قطعة نادرة ماتلقاها كل بنت في دولابها وهي التنورة الحمرا، حبيت أغير مفهوم التنورة الميدي/ الطويلة جريئة اللون ونستغلها في تنسيقات كثيره وغير عن المعتاد

إخترت التنورة من ماركة Free People من موقع شوب بوب Shopbop

هنا رابط التنورة: Free People Easy Breezy Skirt

Bohemian Look

التنسيق الأول: البوهيمي

إخترت الستايل البوهيمي للتنسيق الأول

اخترت بلوزة Off Shoulder من Mango واللي هي ترند لصيف 2016 مع التنورة الحمرا

لبست شوكرز من Zara بلون البني الفاتح عشان يتناسب مع الاكسسوارات الذهبية اللي إخترتها

بالنسبة للحلقات فإخترت الحلقات اللي ألبسها على أذن وحده، كل حلق أخذته من مكان، ما أذكر من وين بس من محلات الستريت فاشن

أما الأساور فإخترت تكون ملونه من براند شاشي Shashi، أحب هالبراند ومنتجاتهم عملية للإستخدام اليومي، اللي بالخبر تقدرون تلاقونها في محل Starlement أو إذا حابين تطلبونها من شوب بوب هنا رابط الأسوارة التركواز  Shashi Lilu Seed Bracelet 

الكلتش أخذته برضو من نفس ماركة الأساور وهي Shashi حسيتها مناسبة للوك البوهيمي اللي أبغى أسويه

هنا رابط الشنطة: Shashi Riyaz Clutch 

الهيلز: Nine West 

Casual Look

التنسيق الثاني: العملي الكاجوال

حبيت بلوزة الجينز مع اللون الأحمر وخاصة إذا كانت البلوزة فيها شي ملفت زي الاكسسوار اللي عليها

إخترت قميص الجينز الفضفاض من Mango، ماحبيت ألبس بلوزة كم طويل لأن هالتنسيق للصيف، وحبيت يكون التنسيق مناسب نهار وليل بحيث هالإكسسوار اللي على القميص يناسب لعزيمة مسائية

برضو المجوهرات إخترتها بسيطة وناعمة وقليلة تتناسب مع اللوك

الحلق والخواتم: ألماس

الهيلز: Nine West

Sport Chic Look

التنسيق الثالث: سبور شييك 

حبيت يكون ستايل السبور شيك مركز على التنورة والسنيكرز

 إخترت لهالتنسيق تي شيرت صيفي خفيف من Stradivarius

النظارة: Dior

الشوكرز: الأسود من Stradivarius والفضي من Forever21

الخواتم السودا: ما أذكر من وين

الخواتم الفضية: Starlement

السنيكرز: Adidas Gazelle OG collection

بما إن أكثر من مره متعاملة مع موقع شوب بوب Shopbop

فحبيت أقولكم الموقع يحتوي على براندز عالمية معروفة والتسوق فيه مريح وسهل، الموقع يعرض الأسعار بالريال السعودي، يوصل دايركت للسعودية، مو شرط يكون عندك بريد لأنهم يوصلون مع DHL، كل فتره يكون عندهم عروض وخصومات فسجلي فيه عشان توصلك النشرة البريدية منهم

نصيحة هالبوست:

 دايما خلي في تنسيقك قطعة ستيتمنت يعني هي الأساس ممكن تكون اكسسوار، شوز، بلوزة أو تنورة والباقي في التنسيق خليه مكمل لهالستيتمنت، يعني لاتحاولين تلبسين كل التريندز والأشياء الملفته في تنسيق واحد ❤

قولولي أي تنسيق تحسونه يناسب شخصيتكم وممكن تلبسينه؟

وبعد قولولي لو عندكم تنسيقات على تنورة حمرا عشان نشجع بعض على تنسيق الألوان الجريئة

ولاتنسون لو حبيتو التدوينة شاركوها مع من تحبون من خوات، قريبات، صديقات بيسعدني هالشي مره ❤❤❤

إيميل: ThatRedLip@gmail.com

تويتر: ThatRedLip@

أنستقرام:ThatRedLip@

 سناب شات: ThatRedLip

 أسماء