Reserved Grand Opening Event/ إيفينت إفتتاح محل ريزرفد

السلام عليكم ورحمة الله وبركاته

وصلتني دعوة الأسبوع اللي فات لحضور حفل إفتتاح محل ريزرفد في مجمع الظهران بوابة 7

ريزرفد ماركة ملابس أوروبية وتو فتحت أول فرع لها في السعودية وكان بالظهران مول بعد فرع الكويت وقطر ومصر وبكذا يكون الفرع اللي في الشرقية هو رابع فرع على مستوى العالم العربي

عالسنة الجديدة 2016 بيفتحون في الرياض وجدة

المحل فيه تشكيلة واسعة من الملابس النسائية والرجالية وللأطفال بعد

باخذكم في جولة سريعة داخل المحل:

الوضع كان زحمة وماقدرت أصور كثير بس المحل فيه خيارات كثيره

وكثير أشياء حلوة توها نازلة للشتا

بالنسبة لأسعارهم فهي متوسطة ومناسبة لجميع

وبالنسبة للخامات فبالنسبة لي أشوفها حلوة للدوام وجمعات الصديقات كذا كاجوال وبسيطة

 بوريكم شوي من التنسيقات داخل مجلتهم الموسمية

وكل اللي بتشوفونه بالمجلة متوفر في المحل

البناطيل الواسعة راجعة في موسم الشتا بقوة

ماتناسبني مره بس أشوفها ترند حلو

 برجع أخذ هالبلوزة 

لاتخلصونها علي (:

نادرا ما ألقى هاي نيك وموديل البلوزة واسع

معلومة مهمة فاشونية: الدمج بين اللون الرمادي والجملي من الترندز هذا الشتا 

إشرايكم باللونين مع بعض؟

أخذت من المحل كم قطعة للشتا كلهم للدوام وكلهم باللون الرمادي 

اللي بسناب شافوهم (: وإن شاء الله بسوي لهم تنسيق وأنزلهم في انستقرام

لاتنسين تشاركيني تعليقك ورأيك على التدوينة، وإذا جربتي شي من المحل إحكي لنا عنه في خانة التعليقات ❤

إيميل: ThatRedLip@gmail.com

تويتر ThatRedLip@

أنستقرام ThatRedLip@

 سناب شات ThatRedLip

 أسماء