My Favorite Winter Lipsticks ❤ أرواجي المفضله للشتاء


بما إننا دخلنا في فصل الشتا حبيت أشارككم أفضل أرواجي الغامقة 
وبالنسبة للصباح ما أفضل أستخدمهم وأحيانا أخفف اللون بروج نيود إذا كنت أبغى روج غامق بس مخفف 


نبدأ بالأسعار:
من اليسار روج سماش بوكس أتوقع سعره 230 ريال وأخذته من سيفورا
أرواج ماك بسعر 108 ريال للروج
وآخر روج اللي باليمين  wet and wild جاني هدية بس أتوقع سعره بحدود ال20 ريال وتلاقينه في أمازون: Amazon wet and wild أو موقع Drugstore.com

تحمس للشتا صح  ـ

من اليسار: Smash Box Vivid Violet لون بنفسجي نهايته كريمي ثابت جدا جدا يعني حتى بعد ما أمسحه بمزيل مكياج يبقى لون خفيف لليوم الثاني, ماينشف الشفايف أبدا لأن فيه فايتمين A و E ويحتوي بعد على زبدة الشيا يعني يرطب الشفايف ويخلي اللون ثابت لمده أطول ويستاهل سعره

نبدأ بأرواج ماك: - Diva أشهر روج من ماك للشتا لونه عنابي غامق نهايته Matt مطفي أحب أحطه للمناسبات لأن شوي ينشف الشفايف
- Dark Side هاللون بنفسجي غامق نهايته Amplified Cream كريمي لامع
- بعدين Rebel هالروج يختلف درجة لونه لو حطيتي منه طبقة أو أكثر من طبقة يعني أنتي تتحكمين في مدى غمق الروج ويصلح للصباح لونه بنفسجي نهايته Satin
- هالشتا قلت أبغى أجرب البني مره عاجبني وأخذت درجتين الأولى Paramount نهايته Satin
-  والثاني  Film Noir بني غامق جدا نهايته Satin

روج Wet and Wild درجة Cherry Bomb اللون عنابي غامق جدا نهايته Matt مات شوي يجفف الشفايف، ثابت لتقريبا 5 ساعات وهاذا من الأرواج اللي لازم تكوني حذره معها لأن مو بسهولة تنمسح

وهنا السواتش

أتمنى تكونون إستفدتو من التدوينة وشاركوني أرواجكم الغامقة المفضله في فصل الشتا! 


إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip

 أسماء

3 comments

  1. My fav winter lipstick is from Nars called Amsterdam! Matty dark red lipstick ��

    ReplyDelete
  2. حبيت ريبيل لانه فعلا تقدرين تتحكمين بقوة اللون و درجته

    ReplyDelete