موضة فساتين حفلات التخرج ❤ Prom Dress Trends



أهلين
هاذي الأيام بنات كثير يستعدون لحفلات تخرجهم ومنهم خواتي
حبيت أكتب بوست عن موضه فساتين التخرج لهالسنه عشان يساعدك  ويسهلك إختيار فستانك،وكتبتها خصيصا لتساعد البنات اللي بيتخرجون هالسنه ومحتارين إيش يلبسون زي بنات المتوسط والثانوي وبنات الجامعة كل الصور الموجودة أخذتها من موقع أسوس بس فكره التدوينة أنك تاخذين خلفية عن الترندز وتكونين عالموضة (;



١- ألوان الباستيل Pastel :
شفنا كثير فساتين باستيل على الران ووي وعروض الأزياء مؤخرا، مره شيك وناعمين

٢- الفساتين اللي فيها جزء شفاف Sheer:
حلو الشير ويعطي فخامه بس إنتبهي من القصات اللي تعرض الجسم بشكل فاضح ومو حلو، إذا مره حبيتي الموديل ومستحيل تخلين الفستان تقدرين تغطين جزء منه بقطعه قماش مقاربه للفستان بس لاترقعينه (:

٣- المعدني Metallic :

أحب الميتاليك وأحسه فخم بس لازم تختارينه بعنايه يعني مايكون الفستان لونه ذهبي وكل القماش يلمع لمعة المعدن العاكس، إختاري قماش حلو ولمعته تكون ناعمه أو جزء من الفستان ميتاليك مثلا جهة الأكمام أو الرقبة .

٤- الألوان الصارخة القوية Bold Colors:
هاذي الألوان جدا شبابية وفيها حيويه، إذا إختري لون زي الألوان الصارخه وأهمهم الأحمر خلي مكياجك هادي ولاتكثرين إكسسوارات وحاولي تنسقين إكسسوار فضي لأنه أنعم (:

٥- الأسود والأبيض Black & White :
ماتخلص هالترند أبدا!! كلاسيكيه وتقدرين بإختيارك لنوع الفستان يكون عصري، أصلا الأبيض والأسود إختيار أنيق وممكن إذا أنتي من النوع اللي يحب يكون في الجهة الآمنه safe side راح يفيدك هالترند
( العام كان فستان تخرجي أسود وأبيض ونسقت عليه ذهب أبيض مره كان حلو وناعم)

٦- فساتين المجوهرات Sequin :
الفستان اللي فيه المجوهرات متوزعة على كل الفستان وشفناه كثير بالمحلات، إذا إخترتي هالنوع من الترند إنتبهي تكثرين إكسسوار يكفي حلق بلون فضي أو ذهبي صغير مره!! يكفي المجوهرات في الفستان لاتزيدين شيي أبدا عليه

نصائح سريعه:
- أهم شي بالفستان إنك تحبينه لأنك لمن تحبين الفستان راح تحسين بثقة وأنك أحلى وحده صدقيني ( مجربه الموضوع ههه ) لاتاخذين فستان عشانه موضه وأنتي مو عاجبك لأن بالنهاية الأناقة هي الثقة بالنفس (:
- لازم يكون الفستان مريح لاتصكين على جسمك ويطلع شكلك مو حلو بس عشان الفستان قصته ضيقة
- إذا إخترتي فستان قصة الرقبة مرفوعه وتغطي جزء كبير من الرقبة وفيها شك أبدا أبدا لاتلبسين حلق كبير وطويل، إكتفي بحلق صغير مايبين بس عشان تضيفين حيوية لجهة الوجه
- إذا أنتي من البنات اللي يحبون السلاسل / القلادات الكبيره Statement Necklace إختاري فستان Strapless الفستان اللي يبدأ من الصدر ( ماعرفت أشرحه بالعربي ههه )
- إذا كان جسمك بشكل الكمثرى ولبستي فستان قصير لاتلبسين الكعب القصير! مو عشانه موضه لازم تلبسينه /:

إيش المحلات اللي ممكن تقدرين تشترين منها فستان تخرجك:
كوست- دبنهامز- وير هاوس- ريفر ايلايند - زارا- أويسيس- مس سلفرج


أي سؤال أو إستفسار أنا حاضره وموجودة كل يوم بالتويتر والإنستقرام
أتمنى تكون التدوينه مفيدة وأتمنى نشرها ودعمي أكثر (:

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

شكرا على دعمكم 

Much Much Love, ASMA xo

2 comments

  1. ياشيخه مشكورة جدا جدا ساعدتيني كيذا بس كنت ابي اسالك وينالفقى محلات تبيع الفساتين القصيرة وفوقها قطعه دانتيل طويل بلييييز ردي علي بسرعه انا من الريااض

    ReplyDelete