Friday, August 23, 2013

سلسلة العودة إلى المدرسة: مستحضرات مكياج الدوام .. Back to School: Makeup products ..



التدوينة الثانية من سلسلة العودة إلى المدرسة/ الجامعة/ العمل،
سواء كنتي طالبة أو موظفه التدوينة بتفيدك، بتكلم عن أهم الخطوات والمنتجات بالترتيب . .
طبعا نعرف أن بالمدرسة ممنوع المكياج بس مايمنع أنك تستخدمي واقي شمس ومرطب للشفايف منها عناية ومنها مظهر جميل، مع إني اللي أشوفه ببعض المدارس أن البنات مهتمين بنفسهم وهاذا الشي جميل أنا ضد قانون منع المكياج في المدرسة لأن هذه الطالبة بنت ولها ميولها وحبها للجمال و المكياج وأن يكون شكلها حلو حتى لو بالمدرسة، الزمن تغير والأجيال تغيرت بس القانون ماتغير، واضح أن الموضوع مو عاجبني p;



نجي للمكياج اليومي:
أول خطوة وأهم نقطة بالمكياج هي المرطب اللي فيه حماية من الشمس، حتى لو عندك مرطب مافي حماية عادي إستعمليه بس أنا أفضل كريمات الي فيها حماية من الشمس ويكون الSPF 15 أو 30، من فوائد كريم واقي الشمس أنه يحميك من سرطان الجلد لاسمح الله، يحميك من التجاعيد والشيخوخة والتصبغات، ويحافظ على الكولاجين الموجود في البشرة،  تكلمت عن المنتجات اللي إستخدمتها في التدوينة السابقة: سلسلة العودة إلى المدرسة: منتجات تجميلية ضرورية .. Back to School: Essential Beauty Products ..

الخطوة الثانية:  معِّد/ مهيأ البشرة Primer، يهيأ البشرة للمكياج، يثبت الفاونديشن والمكياج لوقت أطول، يمنع الفاونديشن أنه يسد المسام وفوائده كثيره غير اللي قلته، هو مناسب جدا للي بشرتهم دهنية ومختلطة بحيث أنه يمتص الدهون ويخفف اللمعان مثل برايمر The POREfessional من بينفيت حلو للي عندهم مسامات، أما إذا كانت بشرتك جافة أو عادية مو ضروري ضروري تستخدمينه بس عن نفسي أفضّل الكل يستخدمه لأن اللي يميزه يصير بين بشرتك والفاونديشن طبقة وبكذا يحمي لك بشرتك، وبالنسبة للبنات اللي بشرتهم دهنية أو مختلطة مهم تحطي برايمر على جفونك عشان مايسيح الشادو أو ممكن يتجعد مثل برايمر العين من Urban Decay لمن تحطين البرايمر إستني ينشف بعدين حطي الأساس ونفس الشي للشادو إستني البرايمر ينشف بعدين حطي الشادو، في أنواع كثيره من البرايمرز وكل الماركات عندها، خذي اللي يناسب نوع بشرتك، هنا بالصورة برايمرز متنوعة وتنفع لكل البشرات مثل برايمر من ديرما كول مره أحبه هالبرايمر وشبيه له برايمر من نيكس، وأيضا برايمر ريفلون Photoready جدا كويس . .

الخطوة الثانية: الأساس Foundation، لكن بما إنه دوام وعمل راح أستبدله بالبي بي كريم BB cream، لأنه أخف على البشره، لكن إذا عندك حبوب وآثار واضحة جدا ماراح يخفيها يعني تغطيته خفيفة وبعد 5 ساعات تحسين أن بدأ يروح، أحيانا أستبدل البي بي كريم بواقي الشمس خاصة فيه بعض كريمات الحماية من الشمس فيها لون بيج يناسب بشرتي، في النهاية إحنا رايحين لدوام مانحتاج تغطيه ثقيلة وأن تحاتين حبوبك ماتطلع، في الصورة أهم البي بي كريمز واللي إنتشرت وأخذت ضجة مثل: غارنيه، ريميل، مايبلين، ديور، وكلينيك  . .

الخطوة الثالثة: مخفي العيوب Concealer، بعد الأساس تحطين الكونسيلر على الهالات وتحت الحواجب والأماكن اللي تبغي تعطينها إضاءه في وجهك مثلا على جسر الأنف، على عظمة الخد، وإذا عندك إحمرار أو حبوب خفيفة ممكن تخفينها بالكونسيلر بس لاتثقلين على الحبة لأن بعض الحبوب ماتتغطى بالكونسيلر ويصير على مكان الحبة زي القبة المشقوقة ويطلع شكلك مو حلو، الكونسيلر أحسه إختيار جدا صعب خاصة أنك تحتارين بين السائل والكريمي والستيك زي الروج بس أهم شي لمن تختارين الكونسيلر يكون نفس درجتك أو أفتح بشوي إذا هالاتك خفيفة أنصحك بكونسيلر: Roll on من غارنييه، Fit me من مايبلين، Match perfection من ريميل، Fake up من بينفت، أما إذا كانت هالاتك قوية وملحوظة جربي: كونسيلر ماك Pro longwear وكونسيلر Erase paste من بينيفت، و Hide the Blemish من ريميل . .

الخطوة الرابعة: البودرة Powder، إذا كانت بشرتك جافة أو عادية مو ضروري تحطين باودر بس إذا كنتي حابة تثبتين مكياجك إستخدميها، أما إذا كانت بشرتك مختلطة أو دهنية ضروري تحطين باودر عشان يمنع أن تطلع الدهون أثناء الدوام، مثل باودر ريميل Rimmel stay matte pressed powder، باودر ريفلون Revlon photoready powder، باودر مايبلين Maybelline fit me powder، باودر ماك MAC studio finish powder . .

الخطوة الخامسة: الظلال Shadow، أفضل ألوان الشادوز للدوام هي الترابيه اللي ماتبين أنك حاطة شي بس تعطي منظر حلو لجفونك وتوحد لون الجفن، من أسهل الشادوز هو الشادو الباودر ( يسمونه كذا يمكن p: ) عن نفسي أنصحك بواحد من باليتات نيكد يقعد عندك أكثر من سنة ويطول وألوانه حلوة وتقدرين تحولينه من لوك صباحي إلى لوك مسائي هو الأفضل بنظري، أيضا شادوهات نيكس NYX اللي يجي كل لون بعلبة يعني لاتشترين باليت كامل من نيكس مايكونون حلوين زي الفردي، أيضا الشادو الكريمي مثل حق مايبيلين كولور تاتو Maybelline color tattoo تحطين منه على كامل الجفن وخلاص وبعد أقلام الجمبو من jumbo nyx pencil أدائها نفس مايبلين لكن أحس الشادو الكريمي صعب تحطينه إذا أنتي مبتدئه بالمكياج يحتاج ترتبينه بالفرشاه وياخذ وقت شوي لكن برضو نتيجته جميلة . .

الخطوة السادسة: الايلاينر والكحل Eyeliner، أنا ما أحط أيلاينر ولاكحل في الصباح أحب يكون المكياج بسيط وسهل فأكتفي بالشادو والماسكرا، لكن كثير من البنات يفضلون يحطون ايلاينر بدون شادو وبرضو هاذا حلو، أحس الايلاينر صديق كل بنت ولابد أنه بيكون عندها أكثر من واحد، جربي الايلاينر البني أو البنفسجي بالصباح مره حلو و تقدرين تحصلينهم في انقلوت ومايبيلين، ومن الأكحال المشهورة هي من ريميل، ومكياجي كولكيكشن صبايا،  تكلمت عن أفضل الايلاينرز اللي حاليا أستخدمهم في هالتدوينة: مراجعة مجموعة من الآيلاينرز Eyeliners Review .. 
الخطوة السابعة: الماسكارا Mascara، الماسكرات كثيره مره يمكن هي أكثرها وأفضلها بين الماركات، يعني لمن تروحين تشترين ماسكارا ماتحتارين ههه أتوقع هي على حسب كل بنت إيش تفضل تطويل، تكثيف، تعطي سواد أكثر، من الماركات اللي اشتهرت بالماسكارا هي أكيد مايبلين عشقي p; أيضا ماسكرات ريميل، لوريال، بينيفت، ديور، لانكوم . .

الخطوة الثامنة: أحمر الخدود Blush، في خطوات المكياج الصباحي ألغيت الهايلايتر والكونتور لكن إذا أنتي حابتهم وتحسين مكياجك مايكمل بدونهم تقدرين تستخدمين بلاش يكون لونه برونز خفيف أو كورال يعني مشمشي، دايما في الصباح خليك بسيطة كل ماخف لون البلاش كل ماكان لمعة وجهك حلوة وتبان صحية، وإذا كثرتي بلاش يبان مو حلو أبدا، من البلاش الحلوين بلاش نيكس الكريمي أو الباودر، مايبلين الكريمي، ريميل،  بينيفت . .

الخطوة التاسعة: أحمر الشفاه Lipstick- Lipgloss، هنا لكي حرية الإختيار إذا تحبين الروج أو القلوس أو أحيانا زي ما أسوي أنا إذا حبيت محدد شفايف أحطه على كل شفايفي وبعدين أحط قلوس، بس المهم تكون بالألوان الطبيعية زي الوردي، الكورال، النود، أيضا أحب البيني تينت من بينيفت أحس كل بنت لازم يكون عندها واحد منه وإستخدامه مره سهل ترطبي شفايفك بالمرطب بعدين تحطيه وشكلك بيكون جدا طبيعي، أعتقد كل الماركات اللي في الدرق ستور أرواجهم حلوة مثل: ريميل، ريفلون، مايبلين و نيكس، وأيضا لاتنسين اللب بتر من ريفلون Revlon lip butter lipstick مهما كان لونها غامق ما راح يبين على الشفايف أحس هي الأفضل في الصباح، أفضل القلوسات تكون عند نيكس و ريميل . .

أهم خطوة بعد لمن ترجعين من الدوام، وإنتبهو هنا هي إزالة المكياج جدا جدا مهم تمسحين مكياجك، مو تنامين وماتمسحينه حتى لو أنك حاطة شي خفيف لازم تمسحينه، مو تغسلين وجهك بالمويا وتقولين راح! لا هو أصلا ماراح أنتي يتهيأ لك، تدرون ليش أركز على مسح المكياج لأن المكياج بيكون طول الصباح يعني كل فترة دوامك مسكر على بشرتك أنها تتنفس وغير كذا وجهك تعرض للغبار، الرطوبة، العرق، الدخان وأشعة الشمس يعني تخيلي كل الاشياء السابقة بتكون في وجهك إذا ماغسلتيه، وهاذا ضرره أن التجاعيد بتطلع لك وأنتي بعمر العشرين وأنتي أكيد ماتبغين هالشي، عشان كذا أنصحك بإزالة المكياج ومن أفضل مزيلات المكياج اللي مرت علي هي بايوديرما مع قطنه وخلاص مسحي وجهك كله، إذا ماحصلتي بايودرما ممكن تستخدمي مزيل المكياج من غارنييه، لوريال أو جونسون ومهم بعد ماتزيلين المكياج أنك تغسلين وجهك بالمويه وترطبي بشرتك بكريمك اليومي وخلاص . .

تدوينات سابقة لعمل مكياج بسيط وسهل للدوام : ( إضغطي على العنوان )

My Morning Makeup Routine  ♥ مكياج الصباح

مكياج برونز سهل، بسيط وجميل ♡ Easy, Breezy, Beautiful Bronze Makeup

تنبيه: مو كل المنتجات اللي بالصور جربتها، ومو شرط اللي بالصور يناسبك (:

حبيباتي أي شي تبغوني أتكلم عنه ويخص هالسلسلة تواصلي معاي على اللنكات اللي تحت  . .
و أي سؤال أو إستفسار يسعدني ردك هنا في خانة التعليقات أو:

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء


أحبكم كثير 
Much Much Love, ASMA xo

6 comments:

  1. شكرا اسومة على البوست الحلو بجد كل المستجدين راح يستفيدوا

    ReplyDelete
  2. بوست لطيف جداً .. يعطيك العافية ما قصرتي

    ReplyDelete
  3. عجبني تبسيطك لوضائف الأشياء ، لاني كنت متلخبطة من كثر المنتجات
    واتمنى تنزلين تدوينة عن اختيار الشيء المناسب لي وكيف اعرف انه مناسب :)
    معليش فيه كثيير مبتدأين زيي ومحتارين !


    شكراً أسوم ^^

    ReplyDelete
  4. لو سمحتي ممكن تحطي موضوع عن الكريمات الي احطها من المدرسة و شكرا

    ReplyDelete
  5. مشگوره على الموضوع والطرح اللكثر من رااائع💜💚

    ReplyDelete