Monday, March 18, 2013

Sick / Tired days make up + hair كيف أسوي مكياجي + شعري في أيام المرض / التعب ..





السلام عليكم ورحمة الله وبركاته ..
أهلن بالجميلات  ..

الأسبوعين اللي فاتو كنت مريضه تعرفو تغير الجو هاذا الوقت والمرض معدي هذي الايام ..
من مرضي إستوحيت أنو أسوي بوست عن كيف أسوي مكياجي وشعري لمن أكون مريضة / تعبانة .
شفتو كيف مخي شغّال 24 ساعة.
بس تعرفين لمن تمرضين أشياء كثيرة في روتينك ماتقدرين تسويها بس التفكير مايضّر (; و خاصة التفكير في أشياء تجيب السعادة زي التدوينات ^ــــــــ^

طيب  قبل المكياج والشعر خليني أقولكم إيش الأساسيات  في أكلي / شُربي أوقات المرض
أول شي وقبل كل شي  الأدوية اللي وصفها لي الدكتور.
بعدين تجي العناية المنزلية *.*



١- شاي بالليمون مع العسل ..
٢- شوربة الدجاج اللي تسويها ماما ..
٣- توست محمص مع أنواع الأجبان ( مايكفيني نوع جبن واحد ) *.*
٤- زبادي قليل دسم ..
٥- يوسف افندي أو برتقال ( أي شي فيه فيتامين C ) ..
٦- أكيد أكيد حبوب Strepsils لإلتهاب الحلق ( النكهة الأصلية ) ماأحب النكهات ..
٧- سڤن آب + بيرة شعير ( نسيت أحطهم ) أحيانا تقلب معدتي وأحتاج أشربه ..

و *ـ*




هو أكيد مو من الأساسيات بس تعرفون لمن يكون الانسان مريض يبغى أكل يونسّه (;
وأكيد أكيد من أفضل الكوكيز الموجود بالسوبرماركتس..

أكيد أكيد لمن أكون مريضه أو تعبانة تجي أيام لازم أداوم وأحيانا تجيني عزايم وطلعات مهمة
بس طبعا على حسب إستطاعتي يعني أقدر أطلع أو لا!!
وفي مكياجي بهاذي الحاله أعتمد على أي منتج كريمي لأنه يخلي بشرتي مترطبه وأبغى يكون شكلي صحي وجميل بنفس الوقت يعني ما أحتاج إني أبهر الناس وأتعب نفسي بالمكياج ..

الحين خلينا نشوف كيف أسوي مكياجي بدون تعب وبدون ما أتعب بشرتي *ـ*


أول شي أغسل وجهي وأرطبه ..
الغسول من Neutrogena Visibly clear 2 in 1
كريم الترطيب + واقي الشمس من VICHY


 أستغني عن كريم الأساس وأستخدم: MAC studio moisture tint
وفيه حمايه من الشمس SPF 15
درجتي: Medium
هو التيتند موسترايز ماله درجات بس أسامي وآتوقع أنهم ٤ أو ٥ بس ..
لونه خفيف مره وتغطيته خفيييفه جدا يعني اذا كانت عندي حبة في وجهي أغطيها بالكونسيلر
 وأحيانا أدمج البيبي كريم و التيتند موسترايز ..
وأحيانا أستخدم بي بي كريم ..


السواتش:

الدمج:


أرطب شفايفي أكيد بحبيب ألبي Beesline
أفضل مافي هاذا المرطب أنه مايشقق الشفايف وبدون لون وريحته كذا عسل وحبة بركة خفيفة 
تكلمت عن المرطب في تدوينة  My Morning Makeup Routine! ♥ مكياج الصباح



بعدها أحط الكونسيلر أستخدم كونسيلر GARNIER
وجدا مرتاحه عليه في طلعاتي اليومية ♥.
تكلمت عن  الكونسيلر في تدوينة  My Morning Makeup Routine! ♥ مكياج الصباح



كعادتي أعدل حواجب من يوم يومي ببودر The Body Shop
درجة : 02
والفرشاه من مكياجي أتوقع مالها رقم بس إسمها ( فرشاة الآيلاينر ) ..
تكلمت عن البودرة في تدوينة  My Morning Makeup Routine! ♥ مكياج الصباح





بعدين نجي عند أفضل ماسكارا لي أيام التعب ♥.
مره خفيفه عالعين ماأحس فيها وتعطي لوك طبيعي جدا
من NIVEA Extension nano definition



( أحيانا أكتفي إلى هنا بالميك اب ) بس أحيانا أكمل *.*


البشرة لمن تكون تعبانة تحتاج مكياج مرطب عشان كذا أستغني عن البلاش الباودر ببلاش كريمي
أستخدم بلاش من NYX

 هو لمن تشوفينه تخافين من لونه لأنه صارخ بس مجرد ماتدمجينه بإصبعك علي خدودك يصير لون خدودك طبيعي وصحي
وثباته مايحتاج أتكلم عنه ♥.





الدرجة : CB 08
Hot Pink
شي خراافي هاذا النوع من البلاش اللي عند NYX

وهاذا السواتش + لمن دمجته :


إستغنيت عن الروج بروج مرطب أكثر اللي هو من : REVLON lip butter
خفيف وكريمي ويرطب وأحلى مافيه اللي لاحظته أنه يعط حجم إضافي للشفايف ♥.


 الدرجة: 080 Strawberry Shortcake

السواتش:

إلى هنا وأكون خلصت من المكياج *.*

نجي للشعر (;
شعري متوسط الطول خفيف وصابغته بلون مره قريب من لون شعري بحيث أن بالشمس والنور الأبيض يعكس اللون ♥.
غالبا لمن بكون طالعة مكان بكون ماخذه شاور ولمن يكون شعري مرطب
أستخدم اللي عاليسار
بخاخ من Macadamia Healing oil spray
أحس كل بنت صار عندها منتج من هالمجموعة وكثير بنات تكلمو عنها من جد تستحق التجربة (=
ريييييحته ♥ـــــــــــــ
أبخ منه من تحت الجذور إلى الأطراف وبعدها أسوي مساج خفيف سريع ..

بعدين اللي عاليمين
كريم مرطب من PALMER'S
( Hair success gro treatment )
 هو علاج للنمو  مع فيتامين ( E ) يمنع تقصف الشعر ويساعد بإطالة الشعر
جميل جدا ولو خلص برجع أشتريه من جديد وأهم شي مايلبد الشعر
أستخدمه بعد البخاخ أحط شوي بأصابعي وأمرره على أطراف شعري وعالشعر اللي أعرف لمن يجف بيطلع ناكش
يعني تخف النكشه شوي بس ماتروح تماما ورييحته حلاااوة كذا فراولة وكرز حلوة بس كثرتها تصدع الراس ..

وبعدين التكنيك الخطير المعروف القديم المستحدث و بدون إستخدام حرارة ألا وهو :

الجديلة ♥.

 أنتظر لمن ينشف شعري يعني ما أجدله وهو لسا رطب 
كيف طريقتي عشان أعطي شعري كثافه  ( تعرفون الجديله تهبط الشعر )
أقسم شعري قسمين من ورا زي كذا :
وأجدّله جديلتين عادية بدون تفنن تعبانة *.*

وأربطه بالربطات المطاطيه ..

بعدين وأهم تكنيك أسحب الجديله على برا شوي بس زي كذا : 
عشان لمن أفتح شعري يكون الويفي حجمه متوسط إلى كبير ..

إذا بطلع أخلي الجديله ساعتين وأحيانا أكثر وبعدين أفكها بدون ما أمشط شعري مو لازم أصلا وأطلع 
وإذا بداوم اليوم الثاني أنام بالجديلة واليوم الثاني تطلع جميله لمن أفتحها ♥.

آخر شي أحط ربطه شعر وعادة أحب الألوان الطبيعيه مثل اللي هنا من Accessories

و بس *ـ*
إنتبهو على نفسكم الجو هاذي الأيام متقلب إذا حسيتي بأي أعراض الزكام لاتهملين نفسك عشان ماتتدهور الحالة 
خلصت التدوينه، أتمنى عجبتكم وسلامتكم 

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip

 أسماء

Much Love, ASMA xo

11 comments:

  1. سلامتك ماتشوفين شر
    اهم شي الواحد يشغل نفسه وقت التعب عشان مايتعب زيادة

    بوست جمييييل وحلو
    عجبني مررررة البلش الكريمي من نيكس والسواتش واضح واحب هذي الدرجات ❤

    يعطيك العافية اسووومة ❤

    ReplyDelete
    Replies
    1. حبيبتي هيا شكرا عاللكلام الحلو والتشجيع ❤

      Delete
  2. مرره حلوه التدوينه ومووضوعها
    منجد انا لما اكون تعبانه والله حتى كحل ماحط وحتى لو حطيت يبين وجههي اني تعباننه
    عجبننني كل ابو شششيء
    يالبباك
    امم بسااك وين القى ذا الشي الجميل حق الشعر البخاخ والمرطب
    والله يعطططيك العافيه

    ReplyDelete
    Replies
    1. يعافيييك ياجميلتي ❤
      البخاخ من مجموعة مكاديميا من محلات نزيه
      والكريم المرطب من أي صيدلية

      Delete
  3. ألف سلامه عليك ما تشوفين شر
    مره حبيت فكرة التدوينه رائعة و متكامله
    يعطيكِ العافية يا جميلة
    ♥♥♥

    ReplyDelete
    Replies
    1. أنتي الأجمل والأجمل سارا ❤❤
      يعافيك وماأنحرم من كلامك الجميل ❤

      Delete
  4. حلو البوست زي حلاوتك يا شيخة استمري يا عسل والله انا من متابعاتك الدايمات اشبك البلوقرز لبعضهم

    ReplyDelete
    Replies
    1. شككككرا على تشجيعك الدائم ❤
      أفكورس إحنا لبعضينيا ❤❤❤

      Delete
  5. حلو البوست ماشاء الله وعسى ما تشوفين تعب ثانى ... بس ما فهمت موضوع الجديلة عندك فيديو يوضح اكثراو توضحيلى انتى؟

    ReplyDelete
    Replies
    1. الشر مايجيك ..
      ماعندي طريقتها بالفيديو انا ابتكترتها، هي بسيطه حطي شعرك كله ورا واقسميه نصين بالعرض يصير من فوق قسم ..ومن تحت قسم
      جدلي القسم اللي فوق وبعدين جدلي القسم اللي تحت
      إن شاءالله تكون واضحه ❤

      Delete
  6. ,اهلين ^^
    وش نوعية شعرك ؟

    ReplyDelete