December Shopbop Haul مشترياتي من شوب بوب


يا أهلا فيكم
زي ما الكل يعرف اني أحب وأعشق موقع Shopbop
يعتبر من مواقعي المفضلة للتسوق
وأيضا زي ما الكل يعرف اني أحب اشارككم مشترياتي
سواء على سناب/ انستقرام/ يوتويب 
فقررت بين فترة وفترة أكتب تدوينات سريعة وخفيفة عن مشترياتي 

 راح أبدأها مع موقع شوب بوب
فـ خلينا نبدأ 

اخذت ستيكرز للبلانر من باندو
Ban.do Deluxe Agenda Stickers Pack
مع أن ما أستخدمهم كثير بس ماقدرت أقاومهم
تعجبني منتجات باندو وتعتبر من ماركاتي المفضلة في القرطاسية
 بس للحين ما اقتنعت بأجندتهم
مع أن تقسيمها حلو لكن كثرة ألوانها ماتجذبني

من كل نوع ستيكر فيه حبتين

اخذت هذا الحلق من Kate Spade
Kate Spade Small Square Stud Earrings 
أحب تصاميم الحلقات اللي زي كذا شكلها أنيق وفخم
اخذته عشان أبغى ألبسه يوميا بس طلع شوي كبير على اللي توقعته
يعني توقعته يكون نتفة صغير ما يبان
بس باللبس طلع مره مره حلو
شيكوا على الحلقات اللي عندهم، تصاميمهم حلوه وأنيقة
اكسسوارات كيت سبيد فضة مطلي ذهب وأسعارهم جدا جدا رائعة

واخذت هذا السلسال  Amara Solitaire Necklace من Gorjana
من الأشياء اللي أحبها في شوب بوب
 أن عندهم ماركات اكسسوارات جديدة مو معروفة مثل هذه الماركة
هذه الماركة لوحدة إسمها قورينا لها خبرة في صناعة المجوهرات
فقررت هي و زوجها أنهم يستفيدون من خبرتها في تصميم المجوهرات وتأسس خط مجوهرات
مناسب بالسعر و بجودة عالية
التصاميم اللي معتمدينها ناعمة وبسيطة بس أنيقة ومناسبة للإستخدام اليومي
وأيضا لأن توجه تصاميمهم الناعم فنقدر نلبس أكثر من سلسال أو أسوارة أو خاتم مع بعض
 ونسوي مكس بين الذهبي والفضي مع بعض
يعين زي أسلوب الـ Layering و الـ Stacking
كل قطعهم فضة مطلي بذهب عيار 18
أسعارهم تترواح مابين 350 إلى 100 ريال
شيكوا على قطعهم

وأخيرا وليس آخرا
 اللي كان كل الطلب عشانه هو هذا الهيلز من مالون سولييه
Malone Souliers Maisie 45 Mules
أكيد أغلبكم سمع عن هذه الماركة وانتشارها بالفترة الأخيرة
والكل يمدح جودة أحذيتهم وأنها مره مريحة وبنفس الوقت حلوة لكل المناسبات

إحترت ايش يكون أول هيلز لي من مالون سولييه فقررت آخذ هذا الموديل
وبهذا اللون المميز وردي على موف والستراب ( خامته مطاط قابل للتمدد ) لونه برغندي مع أبيض
حبيت أن مو كثير منتشر زي تصميم الستراب أو اللي يكون لونين مع بعض

اخترت الكعب الصغير Kitten Heel لأن حابة ألبسه كثير وأيضا أبغى ألبسه مع العباية في مناسبات تستلزم اني ألبس العباية لوقت طويل
 مع أن لونه تحسون صعب بس جا ببالي كثير ملابس عندي تناسب لون الهيلز
ومنها الجينز مع أي تي شيرت بيطلع مره حلو معاه
مقاسي 38 بس أخذت هذا الموديل بمقاس 38.5 وطلع زين 

بعد تجربتي للهيلز أقدر أقول اني وقعت في غرامه، مريح بشكل رهيب وأنيق باللبس مره وغير كذا لونه ملفت وجريء

شوب بوب كل أسبوع يضيفون هيلز جديده فدائما شيكوا عليهم

وبس بكذا أكون وصلت إلى نهاية التدوينة
أتمنى تكونون استفدتوا واستمتعتوا

ــــــــــــــــــــــــــــــــــــــــــــــ


إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

4 comments

  1. السلام عليكم
    انا خبرتي بالطلب اونلاين مرة قليلة ممكن تتكلمي لنا عن طريقة الطلب من هذا الموقع شكراا لك انا اتابعك سناب وانستقرام

    ReplyDelete
  2. انا اعشق التسوق اون لاين و معتمده عليه من سنتين و لكن ماقد جربت هذا الموقع و حمستيني عليه 😍

    ReplyDelete
  3. الهيلزز يموووتتت داخله التدوينه عشانه !!! تتهني فيه يارب يعطيك العافيه اسماا

    ReplyDelete