Forever21 Haul مشترياتي من فور ايفير٢١


السلام عليكم ورحمة الله وبركاته

قبل أسبوعين كنت في إيفينت إعادة إفتتاح Forever21 في فرعهم الجديد في الراشد مول
مره إنبسطت بتفاعلكم على القسيمة الشرائية وإنبسطت بشوفة البنات هناك في الإيفينت
شكرا على دعمكم وشكرا أنكم بجنبي دائما سواء بعيدين أو قريبين❤❤❤
شكرا لكلامكم اللطيف ودعواتكم لي بالتوفيق

وعشان تشوفون جولتي والقطع اللي عجبتني زورو تدوينتي: Forever21 Re-opening at Rashid Mall جولة في محل فور إيفير21 الجديد في الراشد مول/ الخبر
وسألتكم آخر التدوينة إذا حابين تشوفون إيش أخذت 
التدوينة من إقتراحكم وإنبسطت وأنا أسويها 
خلينا نبدأ بقطع الملابس اللي أخذتها:



عجبتني الجمب سوت خاصة أنها أبيض كلها وأنا مره طايحة بالأبيض
أحسه من الحين لوني المفضل في الصيف
حبيت التفاصيل اللي فيها وطولها مناسب لطولي 

حبيت الكم كيف أنه مفتوح من الجنب و واسع مره وأحس إني بحتاج توب من داخل

 
أحب الجيوب (:
الجمب سوت بـ 229 ريال

أخذت هذا الفستان لونه أخضر غامق بس مبين هنا لون ثاني 
متغير شوي، أحب القطع السادة زي كذا بحيث إني أنسقه مع سلسال ستيتمنت وصندل
الفستان خفيف وواسع ( نوعي في الملابس بالصيف)

فيه فتحه مره طويلة بحيث أن لو ألبس بنطلون بيصير حلو ويصير زي Tshirt dress
بس على طولي أنا ماحبيت ففكرت إني أخيط عالأقل خمسة سنتيميتر بحيث تصير الفتحة إلى الركبة
عشان انا بلبسه كفستان، ما حبيته علي وتحته بنطلون
سعره بـ 119 ريال

وأكيد أكيد أخذت التنورة، تكلمت عن الترندز اللي بتكون في هالموسم في تدوينة سابقة ومنها التنورة اللي فيها أزرار من قدام وحبيت لونها مره وفيها جيوب بعد (:
بـ 129 ريال

قلت لكم بتشوفون أبيض كثير في هالتدوينة
بلوزة حبيت قصتها وقماشها وماعندي زي هالنوع
بـ 119 ريال

جاكيت وبلوزة جينز في نفس الوقت
قصتها قصة المربع Box ودارجة جدا هالقصة، مريحة وخفيفة للصيف لبستها أكثر من مره
بـ 159 ريال

من شفته على المانيكان وأنا قلت لازم يكون عندي
بنطلون أزرق فاتح baby blue صيفي خفيف مريح كأنك لابسة بيجاما(; ولونه جميل مره 
بـ 119 ريال

بنات السناب شات تعرفون سر هالصورة (: 

جينز أبيض، خامته ستريش وخفيف مو ثقيل أهم شي
بـ 79 ريال

جينز مشقق ولاتسألوني قد إيش أحب هالجينز
مره أنيق ومع كل شي يمشي رسمي وكاجوال وسبورت
بـ 139 ريال

برضو جينز مشقق بس مايبين كثير وسكيني 
بـ  129 ريال
من أكثر الأسئلة بسناب شات الأسبوع الماضي كانت عن الجينزات

الإكسسوارات:
 عقد فضي مطفي ستيتمنت ( في الفاتورة إسمه فضي محروق ) ^ـ^
مخططة ألبسه مع الفستان الزيتي اللي فوق
بـ 59 ريال

جايبين تشكيلة كبيره من السلاسل الطويلة المنتهية بحجر فحبيت أخذ هذا وبرضو أزرق فاتح وأبيض
بـ 29 ريال 

سلسال النجمة والهلال
مره أحب النجوم في الإكسسوارات 
بـ 9 ريال 

 اللي في السناب شات أكيد متأكدين إني أخذته
حبيت هالخلخال ومره متحمسة ألبسه
دانتيل وذهبي وبحجر واللي حبيت فيه أن مافيه خاتم على الإصبع، زي السلسلة تلف على الإصبع وهذا أفضل
بـ 19  ريال

خواتم بثلاث ألوان فضي وذهبي وقولدن روز بـ 19 ريال

حبيت كيف جامعين هالنوع من الحلقات والخواتم مع بعض
ويصلحون بعد للجلابيات برمضان
بـ 25 ريال

أيضا من الترندز لهالموسم الإكسسوارات البار
وحبيت هالحلقات الذهبية بـ15 ريال

شرابات للبيت قصيرة وناعمة
الواحد بـ 9 ريال 

صندل لون أزرق فاتح
بـ 89 ريال

 
صندل أبيض
بـ  45 ريال

وبس بكذا أكون خلصت
أتمنى عجبتكم التدوينة وقولولي إيش حبيتو أكثر شي في خانة التعليقات تحت 


إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء


9 comments

  1. تتهني يارب كثييير حبيت المشتريات ���� والابيض لوني المفضل بلا منازع.. عقبال مايفتح بالمدينه يارب

    ReplyDelete
  2. دائماً وأبداً اللون الأبيض بالمقدمه بالنسبه لي, حبيت مشترياتك
    خصوصاً الصندل البيبي بلو والجينز وحطيتهم باللِست اللي بشتريها إن شاء الله
    تتهنين يارب.

    ReplyDelete
  3. لما شفت سناباتج وانتي بالمحل تحمست اروح اتقضى كم شغلة للصيف :) تلبسينهم بالعافيه يا رب
    موعلى فكره عندنا بالامارات ثلاث ارباع الشغلات اللي عرضتيها شكلها مو نازلة عندنا للحين :\
    انا خذت جمب سوت زيتي هم يهبل وصندل ابيض :)

    ReplyDelete
  4. كل قطعه تقول انا احلى وعجبني اكثر شي الجمب سوت حبيت ذوقك في الاختيار ويعطيك العافيه 💜

    ReplyDelete
  5. ذوووقك جميل اسومه، والقطع كلها جميله،،اعجبني اكثر شي الجمب سوت والجينز المشقق،،، تتهنى فيهم ولبس العافيه�������� جوري من الجبيل ��

    ReplyDelete
  6. حبيت التيشيرت الابيض والاكسسوارات ♥_♥ تتهنين فيهم أسماء وملبوس العافيه ♥

    ReplyDelete
  7. عجبتني بلوزة الجوز والسلاسل مرره حلوين ����❤️اهنيككك على الذوق

    ReplyDelete
  8. حبيت كل مشترياتك الفاشونية بجد إنتي أيقونة فاشن ❤️
    عجبني الشوز البيبي بلو ترندي ديزاين ولون 💭🍃

    ReplyDelete
  9. جد مرةة احب فورايفر كثير ومشتريات مرة حلوة:(

    ReplyDelete