السبت، 21 مارس 2015

Tip of the week 101 نصيحة الأسبوع


السلام عليكم ورحمة الله وبركاته
حبيت أبدأ سلسلة جديدة وهي نصايح سريعه مفيده ماتاخذ في القراءة إلا دقايق معدودة، كنت أول أنزل في انستقرام بعض النصايح  في المكياج، العناية، الفاشن وغيره ولاحظت أن هالنوعية من البوستات تحبونها فحبيت أجمعهم عشان تكون مرجع للجميع وماتضيع بين البوستات زي في انستقرام.
أول تدوينة بهالسلسلة بتكلم عن:  ترطيب الجسم
طبيعة بشرة جسمي عادية بس بالشتا تصير جافة جد، فسويت لي روتين للشتا وحبيته لأني لقيت نتيجة وقررت أستمر عليه

قبل الشاور أستخدم زيت جوز الهند على كامل جسمي وأخليه حول الساعتين إلى الثلاث ساعات، أركز على الأماكن الخشنة زي الركب والأكواع وأحاول أسوي مساج للجسم بحيث يتغلغل الزيت في البشره << إشرايكم فيني وأنا أستخدم كلمة يتغلغل (؛

أستخدم زيت جونسون للأطفال بعد ما أخلص شاور وأحاول أطبطب بالمنشفة بحيث ما أمسح المنتج كله

وبعدها تقريبا بعد ثلاث دقايق أستخدم زبدة بودي شوب، أحب زبدات بودي شوب ترطيب فعال وماتدبق وتنشف بسرعه وريحتها حلوه وثابته وتعطي ملمس ناعم

* عندي نقطة مهمة أنا ما أحب ترطيب الفازلين يلبد وثقيل مره على البشره عشان كذا حاولت أبتكر طريقة أفضل،
وبس هالروتين إستمريت عليه فترة الشتا وكان مريحني بحيث أن بشرتي ماجاها جفاف

للحين محتارة إيش أسمي هالنوع من التدوينات فقررت مبدئيا أسميها نصيحة الأسبوع ( مو عاجبني الإسم، حسيته شوي رسمي ) فإذا عندكم إقتراحات أفيدوني (:

إيميل: ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء

هناك 13 تعليقًا:

  1. سلسلة جميله ♥_♥ وزبدات بودي شوب من جد ترطيب وريحة خيال ♥ وبالنسبة لاسم التدوينه مالقيت اسم مناسب للاسف XD

    ردحذف
    الردود
    1. ♥♥شكرا إنك على الأقل حاولتي

      حذف
  2. حبيت الفكرةةة مره جميلة , يعطيك العافية حجربهم ان شاء الله

    ردحذف
  3. الله يعين ع الجفاف خصوصا اذا كانت بشرتك جسمك جافه وانتي اساسا بمنطقه جافه كم نعاني الحمدلله): تصدقي ماقد تحمست لزبدات بودي شوب احسها كلام ع الفاضي احب الزبد المركزه باذن الله اجربها❤❤ يسعدك اسوم.. بالعكس الاسم حلوو ومناسب اذا بتعتمدي الفكره كل اسبوع

    ردحذف
  4. كثير حلوه الفكره الله يعطيك العافيه يارب ، و أحس الأسم مناسب وناسه لو جد كل أسبوع تنزلي تدوينه ❤❤❤❤❤❤.

    ردحذف
    الردود
    1. شكرا شكلي بخلي الإسم، الأغلب قالي الإسم حلو (:

      حذف
  5. و عليكم السلام ..
    أحب هالنوع من البوستات
    انا كنت استخدم زيت جونسون مثل طريقتك و سبب لي شعر تحت الجلد ..
    ماتحسين صار معك كذا ؟

    ردحذف
    الردود
    1. لا أبدا وتقدري تستغني عنه إذا ماحبيته وسبب لك أعراض جانبية

      حذف
  6. نفس الاستفسار السابق ما يسبب زيادة في ظهور شعر الجسم

    ردحذف
  7. حمستيني اجرب زيت جوز الهند 😍
    اسم التدوينه اشوفه مره مناسب ^_^

    ردحذف
  8. أزال المؤلف هذا التعليق.

    ردحذف
  9. فين ألاقي زيت جوز الهند؟ لأني ادور عليه ومالقيت
    وايش في زبدات ثانية تنصحي فيها؟؟

    ردحذف
  10. :Dحماااس انتِ والله فالله :) .. انا من متابعينك بكل مكان <<<< نشبه
    ولي الشرف ماشاء الله عليك مبدعه ومتميزة وروحك جميله ❤
    اسوم حمستيني ع الزيت جوز الهند وحبيت اسالك كيف استخدامه ع الشعر وكمان يصلح لو احط منه ع اي ماسك للشعر؟؟.. وشكرا :)

    ردحذف