السموذيز اللي أحبهم حاليا My Current Favorite Smoothies

أهلا
أتمنى تكونون بخير
في تدوينة اليوم بشارككم أكثر السموذيز اللي أحبهم وأفضلهم حالياً
مع إني شاركتهم على حساباتي في السوشال ميديا
لكن حبيت أنزلها بتدوينة عشان تكون مرجع للجميع
يلا نبدأ:

سموذي التمر مع اللوز
مويا جوز الهند
٣-٤ حبات تمر سكري
موزة مجمدة
ملعقة صغيرة بذور الشيا
ملعقة كبيرة زبدة اللوز

سموذي الديتكوس الاخضر
 مويا جوز الهند ( ممكن إستبداله بكوب مويا )
خيارة
قبضة يد سبانخ
بقدونس
عصير ليمون كامل
شريحة أناناس مجمدة

هذه صورة توضيحية من حساب Saudiveggie@
عن كيف تسوون عصيركم الأخضر بالطريقة اللي تفضلونها
تجيني كثير أسئلة على طعم هذا السموذي
الطعم جدا جدا متقبل وعادي
لأن أنتوا بتضيفون شي للتحلية اللي تبغونها ومايبين طعم السبانخ والخيار


سموذي القهوة
موزة مجمدة
نص كوب قهوة بارد " أستخدم كبسولة من نسبريسو أو كبسولة من دولتشي قوستو "
سكوب بروتين باودر" استخدمت كابتشينو بروتين باودر " تقدرون تغيرون النكهة على حسب إختياركم
* بالنسبة لهذا السموذي ماصرت أسويه بس قلت يمكن يفيد أشخاص حابين يدخلون البروتين باودر للسموذي
ولو بحثتوا أكثر بالبويتوب بتلاقون كثير وصفات

أستخدم خلاط NutriBullet لكل السموذيز والعصيرات اللي أسويهم
جبناه من ساكو
يجي معاه ثلاث أكواب بمقاسات متعددة
وأغطية إذا بتاخذون الكوب خارج البيت
الجهاز مو معقد أبدا وسهل بالإستخدام
كل شي واضح بدفتر التعليمات
أنصح فيه جدا

* لو لاحظتوا كتبت موزة مجمدة / أناناس مجمد
أولا: أحب أحتفظ بالفواكه والخضار للسموذيز مجمدة عشان ماتخترب بسرعة
ثانيا: وعشان يخلي السموذي بارد ومايحتاج أرجعه الثلاجة لمن أسويه

* بالعادة أشرب السموذيز قبل التمارين أو بعده
ومو كل يوم أسوي سموذي يعني على حسب الوقت والمزاج
يعني مرات قبل التمارين أكتفي بموزة أو بروتين بار
ومرات أتمرن على الريق بدون أكل بس أشرب مويا


* روابط المنتجات اللي أخذتها من اي هيرب:
بذور الشيا https://sa.iherb.com/pr/Navitas-Organics-Organic-Chia-Seeds-16-oz-454-g/14042
زبدة اللوز https://sa.iherb.com/pr/Dastony-100-Organic-Sprouted-Almond-Butter-8-oz-227-g/54390
بروتين الكابتشينو https://sa.iherb.com/pr/HealthSmart-Foods-Inc-Chocolite-Protein-Cappuccino-14-7-oz-418-g/29966


بس هذا كان كل شي لهذه التدوينة
أتمنى حبيتوا التدوينة واستفدتوا منها

إيميل: 
ThatRedLip@gmail.com
تويتر: ThatRedLip@
أنستقرام:ThatRedLip@
 سناب شات: ThatRedLip
 أسماء 

4 comments

  1. مواضيعك جدا جميله ومشوقة يعطيك العافيه

    ReplyDelete
  2. يا راقيه ياكبيره انتي we love uuuuu ����

    ReplyDelete
  3. الخلاط نقدر نركب عليه علب الميسون جار ؟

    ReplyDelete
  4. مرررره ممتنه لجمال المدونة وتنظيمها، ولكل شيء تتكلمي عنه رابط ومحتوى محفوظ للناس الي ما ببتابع السوشيال ميديا وسناب ...شكرررررا من القلب افدتيني كثييير وخصوصا عن مشترياتك من اي هيرب ..

    ReplyDelete